Smákökur sem nefnast Köllur

Þessar kökur líkjast Sörum, en heita Köllur, að sögn Karenar Þórsteinsdóttur sem sendi jólavefnum uppskriftina.

Innihald:

400 gr marsipan

100 gr flórsykur

100 gr sykur

100 gr kókósmjöl

5 stífþeyttar eggjahvítur

grænt pístasíu marsipan

dökkt gott hjúpsúkkulaði

Aðferð:

Eggjahvítur eru stífþeyttar með sykrinum, marsipan rifið útí og kókósmjölinu bætt við.

Sett með teskeið á bökunarplötuna (hafa bökunarpappír undir ). Bakað í 7 mín við 200°C. Kökurnar kældar, síðan er grænu pístasíu marsipani sprautað á botninn og honum dýft í dökkt súkkulaði.

Sendu okkur uppáhalds kökuuppskriftina þína á netfangið [email protected].