Uppgert veiðihús við Miðdalsá tilbúið

Veiðihúsið við Miðdalsá í Steingrímsfirði er tilbúið en það er notalegt 45 fermetra hús sem var endurgert fyrir tímabilið í ár. Allt húsið var tekið í gegn og byggður pallur við húsið. Tvö herbergi eru í húsinu; eldhús og stofa auk 13 fermetra viðbyggingar. Svefnpláss er fyrir níu manns. Lítið baðherbergi er í húsinu og útisturta en á pallinum er gasgrill.

Miðdalsá er tveggja stanga á með góðri sjóbleikjuveiði auk þess að laxveiðivon er í ánni, en fimm þúsund laxaseiðum var sleppt vorið 2011 sem ættu að skila sér aftur núna í sumar. Í ánni er leyfilegt að veiða með flugu og maðk.

Efstu upptök Miðdalsár eru í 330 metra hæð, í litlum vatnspollum, suður undir Gilsfirði í Barðastrandasýslu en áin rennur til norðurs og á ósa við sunnanverðan Steingrímsfjörð.

Umhverfi árinnar er rómað fyrir náttúrufegurð og gott er að komast að veiðistöðum.

Miðdalsá er um 305 kílómetra frá Reykjavík ef ekið er í gegnum um Hvalfjarðargöng og u.þ.b. 12 kílómetra frá Hólmavík.

Lítið er vitað um ána en ekkert hefur verið skráð í veiðibækur undanfarinn ár en ekkert var veitt í ánni í fyrrasumar. Því er erfitt að fullyrða nokkuð um veiði. Verður verði því stillt í hóf á meðan að verið er að kortleggja ána og koma skráningum í rétt horf.

Fyrir frekari upplýsingar um Miðdalsá smellið HÉR eða hafið samband við skrifstofu Lax-ár í síma 531-6100.

Veiðileyfi má finna á www.agn.is.

[email protected]