Veiðibúðir Lax-ár á Grænlandi tilbúnar

Verið er að leggja lokahönd á síðasta húsið í veiðibúðum Lax-ár í Grænlandi en verkið hefur dregist nokkuð. Af hreindýraveiðum á svæðinu er það helst að frétta að þeir sem hafa farið í sumar hafa allir veitt sín dýr fljótt og örugglega og gert mjög góða bleikjuveiði í framhaldinu, segir á lax-a.is.

Búðirnar munu saman standa af 16 húsum, af þeim eru eitt baðhús með heitu og köldu vatni, salernisaðstaða og sturtur og mataraðstaða undir þaki. Veiðibúðirnar verða staðsettar í villtri náttúru Grænlands og á besta stað fyrir bæði hreindýra og bleikjuveiði. Margar ár og dalir eru í nágrenni veiðibúðanna en bleikjurnar í Grænlandi geta farið í 10 pundin en algengast er að þær séu frá 2-7 pund að stærð. Veitt er að vild og ráða menn því hvort þeir taka með sér aflan eða sleppa en sagan segir að varla sé hægt að fá betri fisk á grillið á kvöldin en grænlenska bleikju.

Veiðibúðirnar verða þær einu á Grænlandi og eru staðsettar nálægt bleikjuveiðiá þar sem veiðimenn geta skroppið á kvöldin og náð sér í eina bleikju til að skella á grillið eða njóta óspilltri nátturunni allt í kring.

Búðirnar eru hannaðar með það í huga að gestir og veiðimenn geta notið þess að vera í óbyggðum Grænlands. Ekki er um að ræða fyrsta flokks lúxus heldur búðir sem munu sjá gestum fyrir öllum nauðsynjum í veiðiferðum; þægilegt rúm, útisturtur og salerni.

[email protected]