Vill meina að barnaníðingar séu í raun bara hommar

Gylfi Ægisson, tónlistarmaður hvetur fólk til þess að ganga til liðs við stuðningsmannahóp sinn á Facebook sem að hans sögn er ekki á móti hinsegin fólki heldur sé einungis ætlað að sporna við klámvæðingu Gleðigöngunnar á Hinsegin dögum í Reykjavík. 

„Ég hef fengið hótanir og reynt hefur verið að þagga niður í mér en ég er alltof lífsreyndur til að hræðast slíkt.“ segir Gylfi sem farið hefur hamförum undanfarið í baráttu sinni gegn því sem hann kallar perraskap hinseginfólks. 

Gylfi segist hafa sérstakar áhyggjur af svokölluðum typpasleikjóum, sem hann segir að troðið sé ofan í lítil börn í göngunni. 

„Á Stuðningsmanna síðunni má á sjá tvo erlenda samkynhneigða menn á Gay Pride hátíð erlendis með tippasleikjóa álíka þeim sem hér hafa sést. Finnst fólki það ógeðslegt!“ segir Gylfi í tilkynningu sem hann birti á Facebook síðu sinni í nótt.

Gylfi segir alla sem styðja hans málstað velkomna í hópinn sem nú telji um 3100 manns en hann var stofnaður þann 11. september síðastliðinn. 

Á stuðningssíðunni birtir hann áróðursmyndband gegn bandaríska kynfræðsluátakinu Planned Parenthood sem Gylfi segir að sé ekkert nema skipulagður öfuguggaháttur.

„Þar er margt fleira sem barnafólk ætti að skoða vel. Þar er myndband sem er fróðlegt að sjá, um hvernig perraskapurinn er skipulagður erlendis til þess að heila þvo börn.“ 

Í myndbandinu, sem Gylfi vísar í og má sjá hér að neðan, er því haldið fram að ákveðin öfl vilji heilaþvo lítil börn til þess að verða kynlífs og klámfíklar. 

Þess má geta að Gylfi veltir því einnig upp á facebook síðu sinni í gær hvers vegna Karl Vignir Þorsteinsson, sem dæmdur hefur verið fyrir barnaníð, sé kallaður barnaníðingur en ekki hommi. Orðrétt segir hann: 

„Af hverju er Karl Vignir kallaður barnaníðingur sem hann reyndar er en ekki hommi?

Þroskaheftir fullorðnir karlmenn urðu fyrir grófu kynferðisofbeldi af hans hálfu.

Vistmaður á Sólheimum líka. Hommar segja að barnaníðingur sé ekki hommi. Ég vil meina að Karl Vignir hafi afsannað það.

Að sæma Unnur Kolbrún Karlsdóttir formanni líknar- og vinafélagsins Bergmáls í Reykjavík, Fálkaorðunni er fyrir neðan allar nllur að mínu mati.“