Reykjavíkurdætur taka sér bessaleyfi til kynfræðslu með laginu Næs í Rassinn

Nýlega hafa verið birtar greinar um grunnskólahátíð sem Reykjavíkurdætur spiluðu á. Ein þeirra var birt á bleikt.is. Hún var skrifuð af Sædísi Finnbogadóttur kennara. Geir Bjarnason forvarnarfulltrúi Hafnafjarðarbæjar segir að Sædís hafi ekki verið viðstödd tónleikana eða í vinnu þetta kvöld og hefur því upplýsingar frá þriðja aðila. Innihald greinarinnar er ekki vel unnið og kemur að engu leiti frá ÍTH eða Hafnarfjarðarbæ.” Seinna var önnur grein skrifuð upp úr grein Sædísar ásamt stöðufærslu á Facebook þar sem var einnig farið með staðreyndarvillur og viðkomandi ekki heldur viðstaddur tónleikana. DV fjallaði einnig um málið.



Það var púað á Reykjavíkurdætur frá því að þær voru kynntar á svið. Starfsfólkið brást ekki við dónaskap gestanna. Á endanum ákváðu Reykjavíkurdætur að verða við bón krakkana sem báðu ítrekað um að lagið Næs í Rassinn með Hljómsveitt yrði flutt. Það voru skiptar skoðanir meðal starfsmanna hvort það ætti að taka það lag á grunnskólaballi því ákvað Geir Bjarnason forvarnafulltrúi Hafnarfjarðarbæjar að senda út afsökunarbeiðni. Hann bað um athugasemdir frá Reykjavíkurdætrum varðanda það mál.

Hljómsveitt svaraði „Upphaflega var ekki ætlunin að taka lagið Næs í Rassinn með Hljómsveitt á skemmtuninni, en þar sem áhorfendur báðu ítrekað um það og hættu ekki að púa, kasta í okkur flöskum, klinki og gúrku fyrr en við tókum það, þá enduðum við á því að gera það. Okkur þykir leiðinlegt ef lagið Næs í rassinn með Hljómsveitt hafi komið illa við einhverja. Hins vegar veltum við því fyrir okkur hvers vegna er rangt að taka lagið Næs í Rassinn fyrir unglinga? Viljum við ekki fræða unglinga um kynlíf á jákvæðan og uppbyggilegan máta út frá virðingu og jafnræði? Við búum í þeim veruleika að krakkar á unglingastigi hafa aðgang að internetinu og það er afar ólíklegt að við séum fyrstar til að færa þeim fréttirnar um tilvist endaþarmsörvunar. Hinsvegar erum við líklega fyrstar til að fjalla um verknaðinn út frá gagnkvæmri virðingu og nautn. Kynfræðsla í grunnskólum er oft ábótavön, og fannst okkur vera kominn tími til að bæta úr því. Hins vegar skiljum við að það séu skiptar skoðanir um hvort það megi taka sér bessaleyfi til að fræða börn annarra. Því má alveg skoða hvort þetta lag eigi heima á grunnskólahátíð."

Það sem er hins vegar áhugaverðara við þetta mál er að það var púað á Reykjavíkurdætur í fyrsta sinn og það áður en þær stigu á svið. Hver hefur ekki farið á leiðinlega tónleika? Er þá púað? Hvað veldur því að krakkar og er virtist vera aðallega strákar hafi svo mikla óbeit á Reykjavíkurdætrum að þeir púi?