Starfsmenn írsks varðskips sem siglir á Miðjarðarhafi hafa greint frá því að bátur með sjö hundruð flóttamönnum um borð hafi hvolft undan strönd Líbíu í dag.
AP greinir frá því að 150 manns hafi sést í sjónum á slysstaðnum, en neyðarkall hafði borist frá bátnum skömmu áður.
Þegar fyrsta björgunarskipið kom á vettvang fóru allir yfir á aðra hlið bátsins með þeim afleiðingum að honum hvolfdi.
Búið er að bjarga um hundrað manns úr sjónum, en óttast er að nokkur hundruð hafi drukknað. Björgunaraðgerðir standa enn yfir.
Alþjóðaflóttamannastofnunin IOM greindi frá því í gær að rúmlega tvö þúsund flóttamenn hafi drukknað það sem af er ári í tilraunum sínum til að komast yfir Miðjarðarhaf frá norðurströnd Afríku til Evrópu.
Óttast að fleiri hundruð hafi drukknað í Miðjarðarhafi
Tengdar fréttir
Rúmlega tvö þúsund flóttamenn hafa drukknað í Miðjarðarhafi í ár
Á sama tíma í fyrra höfðu 1.607 flóttamenn drukknað í Miðjarðarhafi.
