Vísir mælist stærstur

Vísir er í fyrsta sæti yfir vinsælustu vefi landsins samkvæmt nýjum topplista Gallup. Í síðustu viku reyndist íslenski notendafjöldinn einn sá mesti frá upphafi.

Vísir mældist með ríflega 175 þúsund íslenska notendur á dag að meðaltali yfir vikuna, sem náði frá 28. nóvember til 4. desember.

Virku dagana sóttu 186 þúsund notendur vefinn að meðaltali á dag og um helgina voru þeir 148 þúsund. Þá lásu einnig ríflega 30 þúsund erlendir notendur Vísi á dag.

Þennan mikla lesendafjölda má rekja til margra fréttamála sem dreifðu sér jafnt yfir vikuna. 

Lyfjapróf á Íslandsmeistaramótinu í CrossFit, slæmur aðbúnaður hænsna hjá Brúneggjum, meint frelsissviptingarmál í Fellsmúla, landsliðsnefnd KSÍ og trúðafaraldur í Grafarvogi var meðal þess sem vakti mesta athygli lesenda.

Næsti vefur á listanum er mbl.is með um 172 þúsund notendur á dag. Því næst kemur DV með 84 þúsund, RÚV með 70 þúsund og Já með 51 þúsund notenda á dag.

Gallup heldur utan um mælinguna og er hægt að rýna nánar í tölurnar á síðunni topplistar.gallup.is. Á síðunni er einnig hægt að skoða dekkun þeirra netmiðla sem taka þátt í mælingunni eftir kyni, aldri, búsetu, menntun og tekjum en þeim upplýsingum var nýlega bætt við.

Ritstjórn Vísis þakkar lesendum sínum kærlega fyrir heimsóknirnar undanfarnar vikur.

Við tökum fagnandi við ábendingum, innsendum greinum og athugasemdum á ritstjórnarpóstinum okkar ([email protected]) og minnum á að nýjustu og helstu fréttir okkar eru birtar jafnóðum á Facebook-síðu Vísis þar sem samtal við lesendur er einnig mjög virkt allan sólarhringinn.