Ágúst hefur verið á mála hjá Bröndby í Danmörku undanfarið ár en hann hefur verið að leika með U19 ára liði félagsins sem og varaliðinu. Þar áður var hann á mála hjá Norwich.
Áður en Ágúst fór út lék hann með þeim grænklæddu í Kópavogi en hann lék fjóra leiki í Pepsi-deildinni einungis sextán ára gamall.
Knattspyrnudeild Víkings hefur samið við Ágúst Hlynsson um að leika með félaginu næstu þrjú árin.
— Víkingur FC (@vikingurfc) April 23, 2019
Velkominn Ágúst!
pic.twitter.com/H0kHcbCVdL
Hann hefur leikið með yngri landsliðum Íslands og hefur skorað fjögur mörk í þeim 24 leikjum sem hann hefur spilað fyrir landslið Íslands.
„Knattspyrnudeild Víkings fagnar að hafa gert þriggja ára samning við þennan unga leikmann sem bætist í flóru þeirra efnilegu leikmanna sem fyrir eru hjá félaginu,“ segir í tilkynningu Víkings.
