Þriðjungur einhleypra lenti í ástarævintýri um Versló

Nú er vika liðin frá Versló og eflaust margir enn að ilja sér við góðar minningar um stundir undir berum himni í íslenskri náttúru. Að vera einhleypur og fara á útihátíð getur verið spennandi tilfinning og alltaf eru það einhverjir sem finna ástina.

Makamál setti inn könnun mánudaginn eftir Versló þar sem spurningunni var beint að einhleypu fólki. 

Lentir þú í ástarævintýri um Versló? 

Samkvæmt lesendum Vísis segist tæplega þriðjungur einhleypra hafa lent í einhvers konar ástarævintýri um Versló. Rúmlega helmingur einhleypra segist hins vegar ekki hafa verið að leita eftir neinu.

Hægt er að sjá nákvæmari niðurstöður úr könnuninni hér fyrir neðan:

Já, er með fiðrildi í maganum - 14%

Já, einnar nætur gamni - 14%

Nei, því miður - 21%

Nei, var ekki að leita eftir neinu 51%

Makamál mættu í Brennsluna á FM957 í morgun, ræddu niðurstöðurnar og kynntu til leiks spurningu næstu viku.