Maðurinn sem vann rúmlega 1.270 milljónir króna í Vikinglottó í síðasta mánuði fær upphæðina millifærða inn á reikning sinn á morgun, algerlega skattfrjálst.
Fréttablaðið greinir frá þessu. Sigurvegarinn stálheppni, sem greint hefur verið frá að sé fjölskyldufaðir á fertugsaldri, vann annan vinning í lottóleiknum. Vegna kerfisbreytinga var vinningurinn um 1.200 milljónum hærri en annar vinningur hafði að jafnaði verið, þar sem þak hafði verið sett á upphæðina sem fyrsti vinningur gat verið.
Maðurinn keypti miðann á netinu og tölurnar voru meðal annars tengdar afmælisdögum fólks sem hann þekkir.
Björn Berg Gunnarsson, deildarstjóri greiningar og fræðslu hjá Íslandsbanka, segir auðveldara en það kann að virðast að brenna hratt í gegnum háar fjárhæðir, líkt og þá sem íslenskur lottóspilari vann í gær.
Áskriftarsala á miðum í Vikinglottó er fjórfalt meiri í dag en hún var fyrir réttri viku síðan. Þetta staðfestir Pétur Hrafn Sigurðsson, upplýsingafulltrúi Íslenskrar getspár, í samtali við Vísi.
