Spennan í bókabransanum er nánast áþreyfanleg nú um stundir. Höfundar og útgefendur eru á nálum. Bóksalan er þegar öllu er á botninn hvolft helsti barómeterinn á það hvað klukkan slær í hugum bókaþjóðarinnar. Hvað höfðar helst til lesenda, eða kannski öllu heldur, hvað halda þeir sem gefa bækur í jólagjöf að höfði til þeirra sem eiga að fá pakkann?

Að sögn Bryndísar eykst bóksalan venju samkvæmt verulega eftir því sem nær dregur jólum. Veðurfar helgarinnar hefur þó augljóslega haft mikil áhrif á helgarsöluna, aukningin er ekki nema um 15 prósent milli vikna en til samanburðar var hún yfir 40 prósent á milli þessara síðustu vikna fyrir jól í fyrra.

„Góðu fréttirnar eru þó þær að enn eru margir dagar til jóla, færð fer vonandi batnandi um land allt og nóg er til af bókum. Og svo eru bækur svo góðar í laginu og hvorki flókið né tímafrekt að pakka þeim inn. Ég held að við eigum eftir að sjá meiri verslun alveg fram á Þorláksmessu í ár, líkt og alþekkt var fyrir nokkrum áratugum þegar jólainnkaup virtust að stórum hluta fara fram þennan skötulyktandi en þó hátíðlega dag þegar verslunarfólk mætti gjarnan prúðbúnara til vinnu en venja var,“ segir Bryndís í samtali við Vísi.

Glæpasagnahöfundarnir halda sínu

Lítil breyting er á listanum þessa vikuna frá birtingu síðasta Bóksölulista. Ef litið er á skáldverkalistann má sjá óbreytta stöðu á efstu sætum þar sem Katrín Jakobsdóttir og Ragnar Jónasson verma hásætið aðra vikuna í röð. 

„Þó má segja að glæpasagnahöfundar hafi heldur verið að sækja í sig veðrið, Stefán Máni læðir Hungri sínu upp í fimmta sæti listans og Eva Björg Ægisdóttir fer upp um tvö sæti með bók sína, Strákar sem meiða sem situr í áttunda sæti. Þá læðir Lilja Sigurðardóttir Drepsvörtu hrauni sínu einnig upp um tvö sæti og er í tólfta sæti listans.“

Þannig má segja að glæpasagnahöfundarnir haldi vinsældum sínum meðal bókaþjóðarinnar og vel svo. Eini maðurinn sem setur strik í þann reikning er Ólafur Jóhann Ólafsson en hann hefur reyndar unnið það mikla afrek að hrifsað til sín metsölukrúnuna. Ólafur Jóhann á sér afar traustan hóp aðdáenda meðal lesenda.

„Á ævisagna- og fræðibókalistanum situr 29. Útkallsbókin í efsta sæti, mér liggur við að segja 29. árið í röð, þó einhverjar undantekningar hafi orðið á því. Þar á bæ eru það Pabbabrandarar Þorkels Guðmundssonar og Keltar Þorvalds Friðrikssonar sem óvæntast hafa skeiðað upp listann og uppskorið góða sölu,“ segir Bryndís og rýnir í bækur sínar.

Árið hans Gunna Helga

Á barnabókalistanum hefur Gunnar Helgason hreiðrað um sig í efsta sæti eins og svo oft áður en þau Birgitta Haukdal, Bjarni Fritzson og Gunnar Helgason teljast að mati Bryndísar barnabókahöfundar ársins ásamt svo auðvitað Íslandsvininum David Walliams. 

Gunnar hefur lengi verið einn skeleggasti talsmaður barnabóka og þess að barnabókahöfundum verði gert hærra undir höfði þegar listamannalaunum er úthlutað. 

Honum hefur heldur betur orðið að ósk sinni, barnabókahöfundar eru áberandi við síðustu úthlutun úr launasjóði rithöfunda og sjálfur fékk Gunnar 12 mánuði fyrsta sinni. Hann verður því á listamannalaunum allt næsta ár og situr því næstu mánuðina við skriftir en samkvæmt reglum Rannís mega þeir sem þiggja starfslaunin ekki fást við aðra launaða vinnu á meðan. Það mun því væntanlega ekki fara eins mikið fyrir leikaranum og skemmtikraftinum Gunnari og oft áður en hann mætir án vafa tvíefldur til leiks í jólabókaflóðið að ári.

En hver er að stela senunni? Hver er þá svarti folinn í ár? 

„Í mínum huga getur það ekki talist neinn annar en meðhöfundur Ragnars Jónassonar, forsætisráðherra landsins, Katrín Jakobsdóttir. Fulltingi hennar hefur tryggt Ragnari fyrsta sætið og enn er ekki útséð um hvort bók þeirra, Reykjavík, hafi betur en Arnaldur Indriðason þegar kemur að ársuppgjöri bóksölunnar,“ segir Bryndís sem sér fram á fjöruga daga í bóksölunni. 

Spurt er að leikslokum. Spennan er nú um hvort Arnaldur nái að halda sæti sínu á topplistanum eða hvort nýliðinn Katrín ýti hinum dáða spennusagnahöfundi til hliðar.

---

---

Mest seldu bækurnar vikuna 12.-18. desember 2022

1. Reykjavík glæpasaga - Ragnar Jónasson og Katrín Jakobsdóttir

2. Kyrrþey - Arnaldur Indriðason

3. Játning - Ólafur Jóhann Ólafsson

4. Gættu þinna handa - Yrsa Sigurðardóttir

5. Útkall 29 - SOS, erum á lífi! - Óttar Sveinsson

6. Alexander Daníel Hermann Dawidsson : Bannað að ljúga - Gunnar Helgason, myndh. Rán Flygenring

7. Hungur - Stefán Máni

8. Eden - Auður Ava Ólafsdóttir

9. Orri óstöðvandi : Draumur Möggu Messi - Bjarni Fritzson

10. Hamingja þessa heims : Riddarasaga - Sigríður Hagalín Björnsdóttir

11. Syngdu jólalög með Láru og Ljónsa - Birgitta Haukdal, myndh. Anahit Aleqsanian

12. Salka : Tímaflakkið - Bjarni Fritzson

13. Amma glæpon enn á ferð - David Walliams, þýð. Guðni Kolbeinsson

14. Strákar sem meiða - Eva Björg Ægisdóttir

15. Guli kafbáturinn - Jón Kalman Stefánsson

16. Drengurinn með ljáinn - Ævar Þór Benediktsson, myndh. Sigurjón Líndal Benediktsson

17. Flói bernsku minnar - Guðni Ágústsson og Guðjón Ragnar Jónasson

18. Tól - Kristín Eiríksdóttir

19. Saknaðarilmur - Elísabet Jökulsdóttir

20. Bréfin hennar mömmu - Ólafur Ragnar Grímsson

---

Skáldverk

1. Reykjavík glæpasaga - Ragnar Jónasson og Katrín Jakobsdóttir

2. Kyrrþey - Arnaldur Indriðason

3. Játning - Ólafur Jóhann Ólafsson

4. Gættu þinna handa - Yrsa Sigurðardóttir

5. Hungur - Stefán Máni

6. Eden - Auður Ava Ólafsdóttir

7. Hamingja þessa heims : Riddarasaga - Sigríður Hagalín Björnsdóttir

8. Strákar sem meiða - Eva Björg Ægisdóttir

9. Guli kafbáturinn - Jón Kalman Stefánsson

10. Tól - Kristín Eiríksdóttir

11. Saknaðarilmur - Elísabet Jökulsdóttir

12. Drepsvart hraun - Lilja Sigurðardóttir

13. Útsýni - Guðrún Eva Mínervudóttir

14. Tugthúsið - Haukur Már Helgason

15. Fjällbacka-serían : Gauksunginn - Camilla Läckberg, þýð. Sigríður Eyþórsdóttir og Sigurður Þór Salvarsson

16. Tættir þættir - Þórarinn Eldjárn

17. Jól í Litlu bókabúðinni - Jenny Colgan, þýð. Helga Soffía Einarsdóttir

18. Gratíana - Benný Sif Ísleifsdóttir

19. Opið haf - Einar Kárason

20. Veðurteppt um jólin - Sarah Morgan, þýð. Birgitta Elín Hassell og Marta Hlín Magnadóttir

---

Ævisögur, fræði- og handbækur

1. Útkall 29 : SOS, erum á lífi! - Óttar Sveinsson

2. Guðni – Flói bernsku minnar - Guðni Ágústsson og Guðjón Ragnar Jónasson

3. Bréfin hennar mömmu - Ólafur Ragnar Grímsson

4. Pabbabrandarar - Þorkell Guðmundsson

5. Keltar – áhrif á íslenska tungu og menningu - Þorvaldur Friðriksson

6. Tarot-bókin - Handbók og falleg tarot-spil - Claire Goodchild, þýð. Hafsteinn Thorarens

7. Spítalastelpan : Hversdagshetjan Vinsý - Sigmundur Ernir Rúnarsson

8. Uppgjör bankamanns - Lárus Welding

9. Glaðasti hundur í heimi : Biblía hundaeigandans - Heiðrún Villa

10. Viltu finna milljón? Þú átt meiri pening en þú heldur - Hrefna Björk Sverrisdóttir og Grétar Halldórsson

11. Ameríska goðsögnin - Saga Harley-Davidson mótorhjóla á Íslandi - Njáll Gunnlaugsson

12. Þormóður Torfason : Dauðamaður og dáður sagnaritari - Bergsveinn Birgisson þýð. Vésteinn Ólason

13. Bakað meira Með Elenoru Rós - Elenora Rós Georgesdóttir

14. Vegabréf: Íslenskt Frá Afganistan til Bosníu og Búrkína Fasó - Sigríður Víðis Jónsdóttir

15. Líkið er fundið : Sagnatíningur af Jökuldal - Endursögn: Ragnar Ingi Aðalsteinsson

16. Prjónað á börnin – af enn meiri ást - Lene Holme Samsøe, myndh. Katrine Rohrberg, þýð. Ásdís Sigurgestsdóttir og Guðrún B. Þórsdóttir

17. Hrafninn : Þjóðin - Sagan - Þjóðtrúin - Sigurður Ægisson

18. Stiklur um undur Íslands - Ómar Ragnarsson, myndhöf. Friðþjófur Helgason

19. Sjöl og teppi – eins báðum megin - Auður Björt Skúladóttir, myndh. Auður Björt Skúladóttir og Christine Einarsson

20. Lokakeppni HM í Katar 2022 : HM bókin - Kevin Pettman, þýð. Ásmundur Helgason

---

Barna- og unglingabækur

1. Alexander Daníel Hermann Dawidsson : Bannað að ljúga - Gunnar Helgason, myndh. Rán Flygenring

2. Orri óstöðvandi : Draumur Möggu Messi - Bjarni Fritzson

3. Syngdu jólalög með Láru og Ljónsa - Birgitta Haukdal, myndh. Anahit Aleqsanian

4. Salka : Tímaflakkið - Bjarni Fritzson

5. Amma glæpon enn á ferð - David Walliams, þýð. Guðni Kolbeinsson

6. Drengurinn með ljáinn - Ævar Þór Benediktsson, myndh. Sigurjón Líndal Benediktsson

7. Jólaföndur, rauð - Höfundar og þýðanda ekki getið

8. 13 þrautir jólasveinanna : Óveður í aðsigi - Huginn Þór Grétarsson

9. Dagbók Kidda klaufa 16 : Meistarinn - Jeff Kinney, þýð. Helgi Jónsson

10. Leikum með sveinka - Höfundar og þýðanda ekki getið

11. Risaeðlugengið : Fjársjóðsleitin - Lars Mæhle, myndh. Lars Rudebjer, þýð. Æsa Guðrún Bjarnadóttir og Sverrir Jakobsson

12. Laddi - Snjókorn falla, skemmtilegustu jólalögin - Jón Ólafsson, myndh. Úlfur Logason

13. Litlu börnin læra orðin - Rhea Gaughan, þýð. Andri Karel Ásgeirsson

14. Bóbó bangsi og jólin : Jólasaga með flipum til að opna! - Hartmut Bieber, þýð. Kolbeinn Þorsteinsson

15. Sofðu rótt, hugljúfar vögguvísur: Friðrik Dór, Hildur Vala og KK - Jón Ólafsson, myndh. Úlfur Logason

16. Bóbó bangsi í sveitinni - Kolbeinn Þorsteinsson

17. Hrekkjavaka með Láru - Birgitta Haukdal, myndh. Anahit Aleqsanian og Elen Nazaryan

18. Spæjarastofa Lalla og Maju : Fótboltaráðgátan - Martin Widmark, myndh. Helena Willis, þýð. Æsa Guðrún Bjarnadóttir

19. Hva - David Walliams, þýð. Guðni Kolbeinsson

20. Víst getur Lotta næstum allt - Astrid Lindgren, myndh. Ilon Wikland, þýð. Ásthildur Egilson

---

Mest seldu bækur ársins: 1. janúar til 18. desember 2022

1. Kyrrþey - Arnaldur Indriðason

2. Reykjavík glæpasaga - Ragnar Jónasson og Katrín Jakobsdóttir

3. Játning - Ólafur Jóhann Ólafsson

4. Gættu þinna handa - Yrsa Sigurðardóttir

5. Hrekkjavaka með Láru - Birgitta Haukdal, myndh. Anahit Aleqsanian og Elen Nazaryan

6. Útkall 29 : SOS, erum á lífi! - Óttar Sveinsson

7. Orri óstöðvandi : Draumur Möggu Messi - Bjarni Fritzson

8. Syngdu jólalög með Láru og Ljónsa - Birgitta Haukdal, myndh. Anahit Aleqsanian

9. Alexander Daníel Hermann Dawidsson : Bannað að ljúga - Gunnar Helgason, myndh. Rán Flygenring

10. Hungur - Stefán Máni

11. Amma glæpon enn á ferð - David Walliams, þýð. Guðni Kolbeinsson

12. Eden - Auður Ava Ólafsdóttir

13. Lára fer í útilegu - Birgitta Haukdal, myndh. Anahit Aleqsanian og Elen Nazaryan

14. Salka : Tímaflakkið - Bjarni Fritzson

15. Dagbók Kidda klaufa 16 : Meistarinn - Jeff Kinney, þýð. Helgi Jónsson

16. Jólaföndur, rauð - Höfundar og þýðanda ekki getið

17. Hamingja þessa heims - Riddarasaga - Sigríður Hagalín Björnsdóttir

18. Skólaslit - Ævar Þór Benediktsson, myndh. Ari H.G. Yates

19. Saknaðarilmur - Elísabet Jökulsdóttir

20. Hva - David Walliams, þýð. Guðni Kolbeinsson