Eldhús úr endurunnum plastflöskum

Kvik 22. júní 2023 11:43

Avolia í litnum Clay og Corisa í dökkri eik er nútímaleg og náttúruleg blanda af efni og litum.

Kvik hefur verið leiðandi í innréttingahönnun og framleiðslu í 40 ár og leggur höfuð áherslu á að öll framleiðslan sé með sjálfbærni og umhverfisvernd að leiðarljósi.

Allur viður sem notaður er í framleiðsluna er með FSC sjálfbærnivottun og frá árinu 2020 eru allar hurðartýpur, sem ekki eru úr náttúrulegum við, með yfirborðfilmu úr endurunnum PET plastflöskum. Þetta jafngildir að 10,5 milljónir plastflaskna öðlist nýtt líf. Innréttingarnar berast til landsins flatpakkaðar, sem dregur úr kolefnisspori.

Oakwood er handverksinnrétting úr gegnheilli eik.

„Við erum ákaflega stolt af því að nýjasta eldhúslínan sem ber nafnið Oakwood hafi unnið hönnunarverðlaun hjá lesendum Bo Bedre í Danmörku,“ segir Atli Ragnar Ólafsson, sölustjóri Kvik í Reykjavík. „Oakwood eldhúsið okkar er óður til danskrar hönnunarhefðar og handverks. Skúffurnar eru úr gegnheilli FSC vottaðri eik með láréttum línum og samsettar með fínlegri geirneglingu sem ber vott um meistaralegt handbragð.“

Dönsk hönnun og stílhreint yfirbragð eru í fyrirúmi í fjölbreyttu úrvali eldhúsinnréttinga Kvik.

Hann segir Kvik hafa ákveðna sérstöðu á markaðnum en þar mætti t.d. nefna að fyrirtækið bjóði meira skápapláss en helstu keppinautar á stöðluðum einingum. „Auk þess bjóðum við upp á einingar sem eru um 13 cm dýpri en með því móti fáum við um 40% meira skápapláss sem gefur aukið borðpláss,“ bætir hann við.

„Við erum ákaflega stolt af því að nýjasta eldhúslínan sem ber nafnið Oakwood hafi unnið hönnunarverðlaun hjá lesendum Bo Bedre í Danmörku," segir Atli Ragnar Ólafsson, sölustjóri Kvik í Reykjavík, sem sýnir hér viðskiptavinum úrvalið.

Hægt er að bóka tíma hjá hönnuðum þar sem lögð er áhersla á að vinna teikningar með viðskiptavinum, ýmist í versluninni eða í gegnum fjarfundabúnað. „Þannig gerum við góðar hugmyndir að glæstum veruleika á skilvirkan máta. Við getum síðan boðið innréttingarnar ósamsettar fyrir þau sem þess óska, samsettar eða uppsettar, allt eftir óskum og þörfum hvers og eins. Við leysum síðan auðvitað allar áskoranir sem upp geta komið í ferlinu hratt og örugglega, enda er það hagur allra að lokaniðurstaðan verði sem allra best.“

Einstök og klassísk hönnun fyrir baðherbergið.

Atli segir markmiðið vera að gera innréttingakaupin áhugaverð og skemmtileg og kaupferlið eigi að vera eins þægilegt og kostur er. „Kvik er danskur innréttingaframleiðandi sem leggur áherslu á vandaða hönnun, hágæða vörur og viðráðanleg verð. Þetta eru þau gildi sem ráða ferðinni í öllum þeim rúmlega 170 Kvik verslunum sem til eru.“