Pabbi herra Hnetu­smjörs frontar Edrúar fyrir mis­skilning

„Það sprungu allir úr hlátri og Guðnýu féllust alveg hendur. „Ég get setið fyrir eða farið, þið ráðið,“ sagði ég en úr varð að ég reif mig úr og skellti mér í Edrúar bolinn,“ segir Árni hlæjandi.

Aðstandendur Edrúar febrúar höfðu semsagt sett sig skriflega í samband við Árna tveimur vikum fyrr en töldu sig allan tímann vera í sambandi við son hans, Árna Pál, betur þekktan sem Herra Hnetusmjör. Skilaboð og tölvupóstar gengu á milli Guðnýar verkefnastjóra og Árna, með tilheyrandi brosköllum og „knúsi og kossum“ frá Guðnýu sem var yfir sig glöð með hve „Hnetan“ var jákvæður og áhugasamur um skipulagið.

„Það fyndna er að við feðgarnir vorum mikið saman þessa daga sem ég var í sambandi við SÁÁ en hann frétti aldrei af þessu,“ segir Árni sem er hæstánægður með hlutverk sitt í átakinu.

„Ég hef sjálfur verið edrú í 38 ár og öðru hvoru starfað fyrir SÁÁ gegnum tíðina, skilaboðin frá þeim um að taka þátt komu mér því þannig lagað ekkert á óvart. Edrúar febrúar er mjög flott framtak og ég er stoltur af því að leggja því lið, þó hafi eiginlega ekki verið beðinn um það.“ 

Stórtónleikar í Bæjarbíói

Herra Hnetusmjör tengist reyndar átakinu eftir allt saman því hann kemur fram á stórtónleikum Edrúar febrúar í Bæjarbíói þann 21. febrúar, ásamt tónlistarfólkinu; Jóni Jónssyni, GDRN og Friðrik Dór. Miðasala er hafin inná tix.is.

Hvetja fólk til að sniðganga áfengi og vímuefni

Átakinu Edrúar febrúar er ætlað að hvetja landsmenn til þess að prófa edrú lífsstíl í febrúar og fá sem flesta til að finna það á eigin skinni hvað það er gott að sleppa því að neyta áfengis, amk í Edrúar. Í tengslum við Edrúar verða fræðslumolar inni á samfélagsmiðlum um skaðsemi áfengis og vímuefna en fyrst og fremst vilja samtökin vekja athygli á þeim heilbrigða lífstíl sem fylgir því að sleppa því að neyta áfengis og vímuefna.

Staðið verður fyrir ýmsum viðburðum sem tengjast edrú lífsstíl. Krónan er meðal þátttakandi í Edrúar og verður með kynningar í sínum búðum frá Akkurat.is á áfengislausum drykkjum og vörum sem tengjast heilbrigðum lífstíl. Blush er síðan með glæsilegan Edrúarviðburð þann 13. febrúar og þar verður Akkurat.is einnig með drykki. Hápunktur Edrúar febrúar eru tónleikarnir í Bæjarbíói.

Bolurinn til styrktar átakinu

SÁÁ fékk Rúbinu Singh, ungan hönnuð til að hanna bol til styrktar Edrúar febrúar. Rúbina sótti innblástur frá slagorði SÁÁ, Allt annað líf.

„Ég skoðaði hvaða þýðingu þessi mantra hefur fyrir mig og fólkið sem mér þykir vænst um. Út frá því fann ég fyrir þeirri áminningu að velferð okkar allra er samtengd. 

Þegar okkur líður vel sendum við frá okkur jákvæða strauma. Þeir straumar vinda upp á sig og smita útfrá sér. Ég vildi reyna að ná þeirri tilfinningu i þessu verki,“ segir Rúbina.

Hægt er að kaupa bolinn inná vefverslun SÁÁ og kostar hann 4.900 krónur.