Fáránlegt hneyksli ofurhlaupara: Breyttu Wikipedia-síðum Sindri Sverrisson skrifar 27. september 2024 10:10 Camille Herron er í hópi þekktustu ofurhlaupara heims. Ein þekktasta ofurhlaupakona heims og eiginmaður hennar hafa stundað það að skreyta Wikipedia-síðu hennar og jafnframt breytt Wikipedia-síðum hjá öðrum hlaupurum til að láta þá líta verr út. Canadian Running Magazine ljóstraði þessu upp í vikunni. Um er að ræða bandarísku hlaupakonuna Camille Herron, sem á 12 heimsmet í ofurhlaupum, og eiginmann hennar og þjálfara, Conor Holt. Þau hafa, samkvæmt grein CRM, meðal annars breytt Wikipedia-síðum þeirra Kilian Jornet og Courtney Dauwalter með því að taka út línur á borð við „Af mörgum talin meðal bestu utanvegahlaupara heims“. Á sama tíma bættu þau ítrekað við Wikipedia-síðu Herron og sögðu hana einn stórkostlegasta utanvegahlaupara sögunnar. Bönnuð frá Wikipedia en héldu áfram Hjónin hafa stofnað tvo aðganga að Wikipedia til að breyta texta í þessari internetalfræðiorðabók, sem ljóst er að ekki er alltaf hægt að reiða sig á. Camille Herron hefur sett fjölmörg met á sínum hlaupaferli. Fyrst var „Temporun73“ notaður, frá árinu 2017, en aðeins nokkrum klukkutímum eftir að sá notandi var bannaður þá stofnuðu þau nýjan, „Rundbowie“ og héldu áfram með sama hætti. Alls hafa 300 breytingar verið gerðar af þessum notendum, þar af meira en helmingurinn á síðu Herron. Jákvæðu efni hefur hins vegar verið eytt af síðum Jornet og Dauwalter, 2018 Boston-maraþonmeistarans Des Linden og grísku ofurhlaupagoðsagnarinnar Yiannis Kouros. Þá var tilvísunum í met hinnar dönsku Stine Rex, á upplýsingasíðuni um ofurmaraþon, breytt. Eiginmaðurinn segist bera ábyrgðina Hægt var að rekja notendaaðgangana og sjá að tölvupóstfang Herron hafði verið notað, og IP-tala mannsins hennar. Eiginmaðurinn, Conor Holt, hefur í kjölfar fréttar CRM sent fjölmiðlum yfirlýsingu og fullyrt að hann beri alla ábyrgð. Hann hafi ítrekað þurft að setja inn upplýsingar á síðu Herron vegna þess að „nettröll“ hefði tekið þær út. Þá hafi það verið hann sem lokaði öllum samfélagsmiðlum Herron eftir að fréttin fór í loftið, til að bregðast við netníði. Gerði enga tilraun til að svara ásökununum Þá segist Holt aldrei hafa fengið tækifæri til að svara ásökununum áður en greinin var birt. Blaðamaður CRM segir það alrangt og vísar í tölvupósta og skilaboð á samfélagsmiðlum. Ekkert svar hafi borist en: „Við fengum hins vegar svar 90 mínútum eftir að greinin fór í loftið á mánudaginn. Þá bað hún [Herron] okkur um að fjarlægja greinina og sagði að hún væri algjört hneyksli. Hún spurði hvernig við gætum gert henni þetta rétt fyrir stóra hlaupið í Grikklandi [sem fram fer um helgina]. Hins vegar gerði hún enga tilraun til að svara neinu af því sem fram kemur í greininni,“ sagði Marley Dickinson hjá Canadian Running Magazine. Forseti GOMU: Einbeitt í að valda sundrung og andúð Íþróttavöruframleiðandinn Lululemon tilkynnti í gær að samstarfi við Herron hefði verið slitið. Trishul Cherns, forseti GOMU sem er alþjóðasamband ofurhlaupara, kveðst í áfalli yfir málinu. „Á 46 árum í ofurhlaupum hef ég aldrei séð neinn eins hæfileikaríkan og Camille, sem er svo einbeitt í því að skapa sundrung og andúð í ofurhlaupaheiminum. Því miður er þessi Wikipedia-saga hluti af stærri sögu af svona afskiptum. Þetta par hefur ítrekað reynt að trufla annað íþróttafólk, orðspor þess, hlaup og frammistöðu, með vísun í frjálsíþróttareglur sem gilda ekki í ofurhlaupum. Mér bauð við gagnrýni Camille sem beindist að íþróttafólki sem ögraði „hennar“ metum, og viðleitni hennar til að gera lítið úr þeim. Þessi óíþróttamannslega hegðun er bara einelti og illgirni sem á sér engan samastað í ofurhlaupsamfélaginu,“ sagði Cherns. Hlaup Mest lesið Mourinho reif í nefið á stjóra mótherjanna eftir leik Fótbolti Arne Slot: Við vorum ekki heppnir, reglan er svona Enski boltinn Tiger hringdi í Trump til að segja honum frá sambandinu Golf Söfnuðu milljörðum og eiga nú meirihluta í leikvangi félagsins Fótbolti Kári Jóns meiddist illa á hné í kvöld Körfubolti Fjórir vinsælustu leikmennirnir eru konur Körfubolti Einn besti dómari landsins fær ekki leik Körfubolti Uppgjör: Tindastóll - Keflavík 94-87 | Stólarnir sterkari í lokin Körfubolti Ómar Ingi markahæstur í sigri í Meistaradeildinni Handbolti Uppgjörið: Valur - Grindavík 94-89| Valsarar sluppu fyrir horn Körfubolti Fleiri fréttir Mourinho reif í nefið á stjóra mótherjanna eftir leik Tiger hringdi í Trump til að segja honum frá sambandinu Fjórir vinsælustu leikmennirnir eru konur Söfnuðu milljörðum og eiga nú meirihluta í leikvangi félagsins Arne Slot: Við vorum ekki heppnir, reglan er svona Kári Jóns meiddist illa á hné í kvöld Barcelona og Real Madrid mætast í bikarúrslitaleiknum Jota hetjan þegar Liverpool náði aftur tólf stiga forystu Tonali tryggði Newcastle dýrmætan sigur Uppgjör: Tindastóll - Keflavík 94-87 | Stólarnir sterkari í lokin Man. City saknaði ekki Haaland í kvöld Styrmir stigahæstur á vellinum Ómar Ingi markahæstur í sigri í Meistaradeildinni Jón Guðni Fjóluson leggur skóna á hilluna Súrt kvöld fyrir íslensku landsliðskonurnar Uppgjörið: Valur - Grindavík 94-89| Valsarar sluppu fyrir horn Íslensku stelpurnar réðu ekki við Maísu „Mótlætið styrkir mann“ Mo Salah í myndatökum niður við höfnina í Liverpool Pérez rætt við nokkur lið um endurkomu Eyjamenn sækja Pólverja í rammann Gylfa aftur spáð titlinum en spáin röng síðan 2020 „Auðvitað söknum við hennar“ „Undir okkur komið að hamra járnið á meðan það er heitt“ Einn besti dómari landsins fær ekki leik Vilja VAR á Íslandi og finnst Gylfi langbestur Félögin spá Víkingum titlinum Segir að það hafi ekki verið mistök að selja Elanga Svona var kynningarfundur Bestu deildar karla „Hann virðist bara ekkert vera þannig þjálfari“ Sjá meira
Canadian Running Magazine ljóstraði þessu upp í vikunni. Um er að ræða bandarísku hlaupakonuna Camille Herron, sem á 12 heimsmet í ofurhlaupum, og eiginmann hennar og þjálfara, Conor Holt. Þau hafa, samkvæmt grein CRM, meðal annars breytt Wikipedia-síðum þeirra Kilian Jornet og Courtney Dauwalter með því að taka út línur á borð við „Af mörgum talin meðal bestu utanvegahlaupara heims“. Á sama tíma bættu þau ítrekað við Wikipedia-síðu Herron og sögðu hana einn stórkostlegasta utanvegahlaupara sögunnar. Bönnuð frá Wikipedia en héldu áfram Hjónin hafa stofnað tvo aðganga að Wikipedia til að breyta texta í þessari internetalfræðiorðabók, sem ljóst er að ekki er alltaf hægt að reiða sig á. Camille Herron hefur sett fjölmörg met á sínum hlaupaferli. Fyrst var „Temporun73“ notaður, frá árinu 2017, en aðeins nokkrum klukkutímum eftir að sá notandi var bannaður þá stofnuðu þau nýjan, „Rundbowie“ og héldu áfram með sama hætti. Alls hafa 300 breytingar verið gerðar af þessum notendum, þar af meira en helmingurinn á síðu Herron. Jákvæðu efni hefur hins vegar verið eytt af síðum Jornet og Dauwalter, 2018 Boston-maraþonmeistarans Des Linden og grísku ofurhlaupagoðsagnarinnar Yiannis Kouros. Þá var tilvísunum í met hinnar dönsku Stine Rex, á upplýsingasíðuni um ofurmaraþon, breytt. Eiginmaðurinn segist bera ábyrgðina Hægt var að rekja notendaaðgangana og sjá að tölvupóstfang Herron hafði verið notað, og IP-tala mannsins hennar. Eiginmaðurinn, Conor Holt, hefur í kjölfar fréttar CRM sent fjölmiðlum yfirlýsingu og fullyrt að hann beri alla ábyrgð. Hann hafi ítrekað þurft að setja inn upplýsingar á síðu Herron vegna þess að „nettröll“ hefði tekið þær út. Þá hafi það verið hann sem lokaði öllum samfélagsmiðlum Herron eftir að fréttin fór í loftið, til að bregðast við netníði. Gerði enga tilraun til að svara ásökununum Þá segist Holt aldrei hafa fengið tækifæri til að svara ásökununum áður en greinin var birt. Blaðamaður CRM segir það alrangt og vísar í tölvupósta og skilaboð á samfélagsmiðlum. Ekkert svar hafi borist en: „Við fengum hins vegar svar 90 mínútum eftir að greinin fór í loftið á mánudaginn. Þá bað hún [Herron] okkur um að fjarlægja greinina og sagði að hún væri algjört hneyksli. Hún spurði hvernig við gætum gert henni þetta rétt fyrir stóra hlaupið í Grikklandi [sem fram fer um helgina]. Hins vegar gerði hún enga tilraun til að svara neinu af því sem fram kemur í greininni,“ sagði Marley Dickinson hjá Canadian Running Magazine. Forseti GOMU: Einbeitt í að valda sundrung og andúð Íþróttavöruframleiðandinn Lululemon tilkynnti í gær að samstarfi við Herron hefði verið slitið. Trishul Cherns, forseti GOMU sem er alþjóðasamband ofurhlaupara, kveðst í áfalli yfir málinu. „Á 46 árum í ofurhlaupum hef ég aldrei séð neinn eins hæfileikaríkan og Camille, sem er svo einbeitt í því að skapa sundrung og andúð í ofurhlaupaheiminum. Því miður er þessi Wikipedia-saga hluti af stærri sögu af svona afskiptum. Þetta par hefur ítrekað reynt að trufla annað íþróttafólk, orðspor þess, hlaup og frammistöðu, með vísun í frjálsíþróttareglur sem gilda ekki í ofurhlaupum. Mér bauð við gagnrýni Camille sem beindist að íþróttafólki sem ögraði „hennar“ metum, og viðleitni hennar til að gera lítið úr þeim. Þessi óíþróttamannslega hegðun er bara einelti og illgirni sem á sér engan samastað í ofurhlaupsamfélaginu,“ sagði Cherns.
Hlaup Mest lesið Mourinho reif í nefið á stjóra mótherjanna eftir leik Fótbolti Arne Slot: Við vorum ekki heppnir, reglan er svona Enski boltinn Tiger hringdi í Trump til að segja honum frá sambandinu Golf Söfnuðu milljörðum og eiga nú meirihluta í leikvangi félagsins Fótbolti Kári Jóns meiddist illa á hné í kvöld Körfubolti Fjórir vinsælustu leikmennirnir eru konur Körfubolti Einn besti dómari landsins fær ekki leik Körfubolti Uppgjör: Tindastóll - Keflavík 94-87 | Stólarnir sterkari í lokin Körfubolti Ómar Ingi markahæstur í sigri í Meistaradeildinni Handbolti Uppgjörið: Valur - Grindavík 94-89| Valsarar sluppu fyrir horn Körfubolti Fleiri fréttir Mourinho reif í nefið á stjóra mótherjanna eftir leik Tiger hringdi í Trump til að segja honum frá sambandinu Fjórir vinsælustu leikmennirnir eru konur Söfnuðu milljörðum og eiga nú meirihluta í leikvangi félagsins Arne Slot: Við vorum ekki heppnir, reglan er svona Kári Jóns meiddist illa á hné í kvöld Barcelona og Real Madrid mætast í bikarúrslitaleiknum Jota hetjan þegar Liverpool náði aftur tólf stiga forystu Tonali tryggði Newcastle dýrmætan sigur Uppgjör: Tindastóll - Keflavík 94-87 | Stólarnir sterkari í lokin Man. City saknaði ekki Haaland í kvöld Styrmir stigahæstur á vellinum Ómar Ingi markahæstur í sigri í Meistaradeildinni Jón Guðni Fjóluson leggur skóna á hilluna Súrt kvöld fyrir íslensku landsliðskonurnar Uppgjörið: Valur - Grindavík 94-89| Valsarar sluppu fyrir horn Íslensku stelpurnar réðu ekki við Maísu „Mótlætið styrkir mann“ Mo Salah í myndatökum niður við höfnina í Liverpool Pérez rætt við nokkur lið um endurkomu Eyjamenn sækja Pólverja í rammann Gylfa aftur spáð titlinum en spáin röng síðan 2020 „Auðvitað söknum við hennar“ „Undir okkur komið að hamra járnið á meðan það er heitt“ Einn besti dómari landsins fær ekki leik Vilja VAR á Íslandi og finnst Gylfi langbestur Félögin spá Víkingum titlinum Segir að það hafi ekki verið mistök að selja Elanga Svona var kynningarfundur Bestu deildar karla „Hann virðist bara ekkert vera þannig þjálfari“ Sjá meira