Fyrir þremur árum síðan kom út bókin Sigurverkið, fyrsta skáldverk Arnaldar Indriðasonar sem ekki flokkaðist sem glæpasaga. Þetta stökk milli bókmenntaflokka dró ekki mikið úr áhuga lesenda á Arnaldi. Þetta segir Bryndís Loftsdóttir framkvæmdastjóri Fíbút. Hún er að taka blaðamann Vísis með sér í stutta sögustund. En Vísir gefur út bóksölulista í samstarfi við Félag bókaútgefenda og nú er komið að þeim síðasta fyrir þessi jól.
„Sigurverkið var tilnefnt til Íslensku bókmenntaverðlaunanna og endaði sem önnur mest selda bók ársins 2021, næst á eftir Lok, lok og læs eftir Yrsu Sigurðardóttur. Í ár bætir Arnaldur um betur, skáldverkið Ferðalok er mest selda bók ársins til þessa, hefur setið í fyrsta sæti Bóksölulistans frá því hún kom út, að undanskildum einum lista þegar Ævisaga Geirs H. Haarde hafði betur.“
Ferðalok hefur einnig verið tilnefnd til Íslensku bókmenntaverðlaunanna í ár. Ekki er hægt annað en að óska Arnaldi til hamingju með árangurinn, hann er einfaldlega sá höfundur sem haldið hefur þjóðinni allra manna best að lestri á liðnum áratugum, ótvíræður konungur jólabókaflóðsins.
Skáldverkin safna vopnum sínum
Bryndís er ánægð með vaxandi veg skáldverkanna en af tíu mest seldu bókum síðustu viku eru sjö skáldverk, þar af fjórar glæpasögur og þrjú bókmenntaverk. Að sama skapa má nefna að aðeins ein barnabók er á meðal tíu mest seldu bóka vikunnar, Orri óstöðvandi – Heimsfrægur á Íslandi.
„Orri situr nú í sjöunda sæti listans en sú var tíðin að barnabækur röðuðu sér ofar á listann í aðdraganda jóla og áttu oftast tvo til þrjá af tíu mest seldu titlunum. Hvort þetta sé afleiðing aukinnar sölu skáldverka, merki að sala barnabóka dreifist á fleiri titla eða að sala þeirra sé að dragast saman verður að koma í ljós við ársuppgjörið í janúar,“ segir Bryndís.
Hástökkvari vikunnar er svo Gólem eftir Steinar Braga. Hún kemur ný inn á skáldverkalistann og fer beint upp í 11. sæti. Moldin heit eftir Birgittu Björg Guðmundsdóttur og Synir himnasmiðsins eftir Guðmund Andra Thorsson koma einnig nýjar inn á skáldverkalistann.
Íþróttahetjurnar taka hástökk á bóksölulistum
„Markmaður þjóðarinnar, Hannes Þór Halldórsson tekur einnig risastökk upp listann, hækkar sig um 10 sæti og situr nú í áttunda sæti fræðibókalistans. Ný á lista þar er ráðgátubókin Morðleikir, 100 auðveldar til ómögulegar gátur til að leysa með rökhugsun, leikni og ályktunarhæfni í þýðingu Ingunnar Snædal.“
Sveindís Jane – saga af stelpu í landsliði tekur sama stökkið og Hannes, fer einnig upp um 10 sæti og situr í áttunda sæti barnabókalistans. Nýjar bækur þar á lista eru Disney Jólasyrpa 2024, Dótarímur Þórarins Eldjárns og Fótboltaspurningar 2024 í samantekt Guðjóns Inga Eiríkssonar.
„Við hvetjum landsmenn til þess að halda í hefðina og gefa bækur til jólagjafa. Það mætir enginn ólesinn í jólaboðinn í ár,“ segir Bryndís.
Bóksölulistinn 16.-22. desember
- Ferðalok - Arnaldur Indriðason
- Ég læt sem ég sofi - Yrsa Sigurðardóttir
- Í skugga trjánna - Guðrún Eva Mínervudóttir
- Dauðinn einn var vitni - Stefán Máni
- Hulda - Ragnar Jónasson
- Útkall í ofsabrimi - Óttar Sveinsson
- Orri óstöðvandi - Heimsfrægur á Íslandi Bjarni Fritzson, myndh. Þorvaldur Sævar Gunnarsson
- Kvöldið sem hún hvarf - Eva Björg Ægisdóttir
- Ævisaga - Geir H. Haarde
- Sextíu kíló af sunnudögum - Hallgrímur Helgason
- Himintungl yfir heimsins ystu brún - Jón Kalman Stefánsson
- Pabbabrandarar 3 - Þorkell Guðmundsson
- Lára fer á fótboltamót - Birgitta Haukdal
- Stella segir bless - Gunnar Helgason
- Atli eignast gæludýr - Birgitta Haukdal
- Börn í Reykjavík - Guðjón Friðriksson
- Verstu skrímsli í heimi - David Walliams, þýð. Guðni Kolbeinsson
- Ég færi þér fjöll - Kristín Marja Baldursdóttir
- Prumpulíus brelludreki - Kai Lüftner, myndh. Wiebke Rauers
- Kúkur, piss og prump - Vísindalæsi 5 - Sævar Helgi Bragason, myndir Elías Rúni
Skáldverk
- Ferðalok - Arnaldur Indriðason
- Ég læt sem ég sofi - Yrsa Sigurðardóttir
- Í skugga trjánna - Guðrún Eva Mínervudóttir
- Dauðinn einn var vitni - Stefán Máni
- Hulda - Ragnar Jónasson
- Kvöldið sem hún hvarf - Eva Björg Ægisdóttir
- Sextíu kíló af sunnudögum - Hallgrímur Helgason
- Himintungl yfir heimsins ystu brún - Jón Kalman Stefánsson
- Ég færi þér fjöll - Kristín Marja Baldursdóttir
- Þegar sannleikurinn sefur - Nanna Rögnvaldardóttir
- Gólem - Steinar Bragi
- Jólabústaðurinn - Sarah Morgan,þýð. Birgitta Hassell og Marta Magnadóttir
- Rétt áðan - Illugi Jökulsson
- Kul - Sunna Dís Másdóttir
- Hittu mig í Hellisgerði - Ása Marin
- Speglahúsið - Benný Sif Ísleifsdóttir
- Moldin heit - Birgitta Björg Guðmarsdóttir
- Hildur - Satu Rämö, þýð. Erla Elíasdóttir Völudóttir
- Synir himnasmiðs - Guðmundur Andri Thorsson
- Hjartabein - Colleen Hoover, þýð. Sunna Dís Másdóttir
Fræðbækur og rit almenns efnis
- Útkall í ofsabrimi - Óttar Sveinsson
- Ævisaga - Geir H. Haarde
- Pabbabrandarar 3 - Þorkell Guðmundsson
- Börn í Reykjavík - Guðjón Friðriksson
- Duna - Saga kvikmyndagerðarkonu - Kristín Svava Tómasdóttir og Guðrún Elsa Bragadóttir
- Stóra brauðtertubókin - Ýmsir höfundar
- Öxin, Agnes og Friðrik - Síðasta aftakan á Íslandi - Magnús Ólafsson
- Hannes - Handritið mitt - Magnús Örn Helgason
- Churchill - Stjórnvitringurinn framsýni - James C. Humes, þýð. Magnús Þór Hafsteinsson
- Fangar Breta - Sindri Freysson
- Ullaræði: Villahullu 2 - Heli Nikula, þýð. Guðrún Hannele Henttinen
- Frasabókin – ný og endurbætt íslensk snjallyrði - Eyþór Wöhler og Emil Örn Aðalsteinsson
- Til taks - Þyrlusaga Landhelgisgæslu Íslands Benóný Ásgrímsson, Júlíus Ó. Einarsson og Páll Halldórsson
- Fólk og flakk - Sagnakvöld af baksviði stjórnmálanna - Steingrímur J. Sigfússon
- Í veiði með Árna Bald - Árni Baldursson
- Þjóðin og valdið - Fjölmiðlalögin og Icesave - Ólafur Ragnar Grímsson
- Ég átti að heita Bjólfur - Æskuminningar - Jón Ársæll Þórðarson
- Morðleikir 100 auðveldar til ómögulegar gátur - G.T. Karper, þýð. Ingunn Snædal
- Fótboltaspurningar Illuga Jökulssonar - Illugi Jökulsson
- Ég skal hjálpa þér - Saga Auriar - Herdís Magnea Hübner
Barna- og ungmennabækur
- Orri óstöðvandi - Heimsfrægur á Íslandi - Bjarni Fritzson, myndh. Þorvaldur Sævar Gunnarsson
- Lára fer á fótboltamót - Birgitta Haukdal
- Stella segir bless - Gunnar Helgason
- Atli eignast gæludýr - Birgitta Haukdal
- Verstu skrímsli í heimi - David Walliams, þýð. Guðni Kolbeinsson
- Prumpulíus brelludreki - Kai Lüftner, myndh. Wiebke Rauers
- Kúkur, piss og prump - Vísindalæsi 5 - Sævar Helgi Bragason, myndir Elías Rúni
- Sveindís Jane: Saga af stelpu í landsliði - Sveindís Jane Jónsdóttir og Sæmundur Norðfjörð
- Fíasól í logandi vandræðum - Kristín Helga Gunnarsdóttir, myndir Halldór Baldursson
- Kærókeppnin - Embla Bachmann, myndir Blær Guðmundsdóttir
- Jólasyrpa 2024 - Walt Disney
- Bakað með Láru og Ljónsa - Birgitta Haukdal og Sylvía Haukdal
- Bluey - 5 mínútna sögur - Joe Brumm, þýð. Andri Karel Ásgeirsson
- Dagbók Kidda klaufa 18: Ekkert mál - Jeff Kinney, þýð. Helgi Jónsson
- Þegar Trölli stal jólunum - Dr. Seuss, þýð. Þorsteinn Valdimarsson
- Risaeðlugengið 6: Leyndarmálið - Lars Mæhle, myndh. Lars Rudebjer
- Fóboltastjörnur - Ronaldo er frábær! - Simon Mugford, þýð. Guðni Kolbeinsson
- Dótarímur - Þórarinn Eldjárn
- Fótboltaspurningar 2024 - Guðjón Ingi Eiríksson
- Vörubílar og vinnuvélar - Örn Sigurðsson
Uppsafnað frá áramótum
- Ferðalok - Arnaldur Indriðason
- Ég læt sem ég sofi - Yrsa Sigurðardóttir
- Orri óstöðvandi - Heimsfrægur á Íslandi - Bjarni Fritzson, myndir Þorvaldur Sævar Gunnarsson
- Útkall í ofsabrimi - Óttar Sveinsson
- Dauðinn einn var vitni - Stefán Máni
- Ævisaga - Geir H. Haarde
- Hulda - Ragnar Jónasson
- Í skugga trjánna - Guðrún Eva Mínervudóttir
- Kvöldið sem hún hvarf - Eva Björg Ægisdóttir
- Lára fer á fótboltamót - Birgitta Haukdal
- Sextíu kíló af sunnudögum - Hallgrímur Helgason
- Atli eignast gæludýr - Birgitta Haukdal
- Himintungl yfir heimsins ystu brún - Jón Kalman Stefánsson
- Stella segir bless - Gunnar Helgason
- Prumpulíus brelludreki - Kai Lüftner, myndir Wiebke Rauers
- Fíasól í logandi vandræðum - Kristín Helga Gunnarsdóttir,myndir Halldór Baldursson
- Kúkur, piss og prump - Vísindalæsi 5 - Sævar Helgi Bragason, myndir Elías Rúni
- Hildur - Satu Rämö, þýð. Erla Elíasdóttir Völudóttir
- Pabbabrandarar 3 - Þorkell Guðmundsson
- Verstu skrímsli í heimi - David Walliams, þýð. Guðni Kolbeinsson
