Lífið

Fimm­tíu milljón króna hækkun eftir um­fangs­miklar endur­bætur

Svava Marín Óskarsdóttir skrifar
Fasteignamatið á húsinu eftir breytingar hefur hækkað um rúmar þrjár milljónir.
Fasteignamatið á húsinu eftir breytingar hefur hækkað um rúmar þrjár milljónir.

Við Helgubraut í Kópavogi er að finna 275 fermetra einbýlishús sem var byggt árið 1985. Núverandi eigendur, Arndís Stefánsdóttir, Pálmi Sigurðsson og Hildur Anna Pálmadóttir, keyptu eignina í maí á síðasta ári fyrir 144,9 milljónir króna. Húsið er nú komið aftur á sölu, með ásett verði upp á 198,4 milljónir króna, sem er hækkun upp á rúmar 50 milljónir króna á innan við ári.

Þegar fjölskyldan festi kaup á eigninni var kominn tími á ýmsar endurbætur innanhús. Ráðist var í umfangsmiklar framkvæmdir sem meðal annars fólust í því að opna á milli eldhúss og stofu, leggja nýtt parket, skipt var um innréttingar í eldhúsi og baðherbergi og arininn í stofunni fékk yfirhalningu. 

Eignin hefur nú verið nánast öll endurnýjuð án stílhreinan máta, án þess að henda öllu því gamla út.

Húsið skiptist í anddyri, mjög rúmgott eldhús, sólskála, tvær samliggjandi stofur, önnur með kamínu, fimm mjög rúmgóð svefnherbergi, þar af hjónasvítu með innangengt í fataherbergi og baðherbergi. Auk þess eru tvö baðherbergi og eitt gestasalerni í húsinu.

Fasteignamat fyrir breytingar var 165.150.000 krónur, en hefur nú hækkað um rúmar þrjár milljónir, og er nú 168.550.000 krónur.

Nánari upplýsingar á fasteignavef Vísis.

Á myndunum hér að neðan má sjá húsið fyrir og eftir breytingar.

Opnað var milli eldhúss og stofu, skipt um eldhúsinnréttingu og sett harðparket á gólfið.
Arinninn í stofunni fékk yfirhalningu og var málaður í svötum lit. Þá var steinninn einnig málaður og svört viðarklæðning sett á vegginn og fyrir stigaopið.
Veggklæðning var tekin af veggjum og alrýmið málað í hlýlegum ljósum lit.
Gestasnyrtingin fékk létta yfirhalningu. Veggir voru málaðir, nýjar hillur hengdar upp fyrir ofan klósettið og nýr spegill. Smart og einfalt!
Hús og heimili Fasteignamarkaður


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.