Pall­borðið: Handboltaæði runnið á þjóðina

Pallborðið hefst klukkan 14:00. Beina útsendingu frá því má sjá í spilaranum hér fyrir neðan.

Íslendingar hafa farið vel af stað á HM og unnu alla þrjá leiki sína í G-riðli. Íslenska liðið tók því með sér fjögur stig inn í milliriðla, líkt og það egypska.

Leikurinn í kvöld er gríðarlega mikilvægur upp á framhaldið að gera en með sigri fara Íslendingar langt með að tryggja sér sæti í átta liða úrslitum.

Til að fara yfir Egyptaleikinn og allt sem tengist íslenska liðinu fær Stefán Árni fyrrverandi landsliðsmennina Ásgeir Örn og Bjarna í Pallborðið. Einnig verður rætt við okkar menn úti í Zagreb.

Leikur Íslands og Egyptalands hefst klukkan 19:30 og verður í beinni textalýsingu á Vísi. Leikurinn verður gerður ítarlega upp í máli og myndum á Vísi.