Geimferðastofnanir Bandaríkjanna og Rússlands hafa frestað því að tengja rússneskt birgðafar við Alþjóða geimstöðina, þar sem stjórnstöðin í Texas hefur verið rýmd vegna fellibylsins Ike.
Progress birgðafarinu var skotið á loft frá Rússlandi síðastliðiðinn miðvikudag og átti að tengjast geimstöðinni á morgun.
Því hefur nú verið frestað til næsta miðvikudags. Þá verður Ike væntanlega genginn yfir.
