Miðill spáir stórum jarðskjálfta á morgun

Lára Ólafsdóttir, sem titlar sig sem sjáanda í símaskránni, spáir því að eitthvað hroðalegt sé að fara að gerast á morgun 27. september.

Lára setur inn frekar óljósa uppfærslu á opna Facebook síðu sína en samkvæmt henni mun að öllum líkindum eitthvað gerast á morgun klukkan 13:00.

Harmageddon hefur reynt að ná tali af Láru en gengið erfiðlega. Þegar hún svaraði síma sínum í fyrradag staðfesti hún að um jarðskjálfta væri að ræða að öllum líkindum en síðan þá hefur hún ekki svarað neinum símtölum.

Hér er uppfærsla hennar frá því í fyrradag, þann 24. september:



„ÓLI MINN OG PABBI TÖLUÐU VIÐ MIG Í NÓTT OG SÖGÐU 27/9 KL 13.00 GÆTI VERIÐ Í ÁR 2013 EÐA EINHVERN 27 EN ÓLI VAR MJÖG ALVARLEGUR EN HANN VAR MEÐ SKILABOÐ TIL ALLRA VINA MINNA OG ÆTTINGJSA OG PABBI MINN LÍKA ÉG VERÐ AÐ SEGJA YKKUR Á MORGUN VAR GRÁTANDI Í ALLAN DAG PLEASE TALA VIÐ MIG,“ sagði Lára og lét símanúmerið sitt fylgja með fyrir aftan.

Daginn eftir setti hún svo inn önnur skilaboð þar sem hún lýsir yfir áhyggjum sínum af því að ná ekki að koma boðunum til allra landsmanna:

„Elskurnar mínar þið trúið aldrei hvað mig dreymdi í nótt óla minn geir ólafsson systurson minn og það var framhald af draumnum önnur skilaboð og það er alveg á hreinu það er eitthvað að þið verðið að heyra bara í mér í síma en skilaboðn eru til ykkar allra óli bað mig um það og það hlítur að vera að nú sé þetta að fara rættast eða mér finnst það og ég mun fara eftir honum en hvernig á ég að koma þessum skilaboðum til allra þjóðarinar á íslandi og sumir skamma mig bara ef ég segji eitthvað en mér er bara svo ant um þjóð mín og land og ég vill öllum vel en þið verðið núna að taka mark é mér vil ykkur bara vel love you all ykkar Lara.“

Síðar í gær setti Lára inn enn eina færsluna um mögulegan skjálfta en eftir það kemur ekkert frá henni nema æpandi þögn:



„Ég ætla bara að biðja ykkur um eitt krúttin mín hafið þessa tölu til athugunar og tíman sem gæti verið 13.00 eða 23.15 veit ekki en eitthvað er mikið að er orðin svo leið á þessu öllu hvernig sumt fólk kemur fram við mig þegar ég er að tala um það sem mér finnst skipta bara miklu máli en sumt fól er ekki heilt hvað finnst ykkur?“

Harmageddon náði þó tali af Láru árið 2009 þegar hún spáði öðrum stórum skjálfta á forsíðu Vikunnar. Vissulega kom jarðskjálfi eftir það. Hann var bara hvorki á réttum stað né tíma.

Hlusta má á viðtalið frá árinu 2009 hér að neðan: