Sterkustu fimmgangshestar landsins öttu kappi í kvöld á Landsmóti hestamanna sem fram fer á Gaddstaðaflötum á Hellu. Keppnin var æsispennandi fram að síðustu einkunn en einkunnirnar sem veittar voru eru með þeim hæstu í sögunni. Hinn 25 ára gamli Þórarinn Ragnarsson vann öruggan sigur á hestinum Spuna frá Vesturkoti með einkunnina 9,30. Gísli Gíslason á Trymbli frá Stóra-Ási fylgdi fast á hæla Þórarins með 9,19 í einkunn og í þriðja sæti hafnaði Steingrímur Sigurðsson á Gróða frá Naustum.
Sigurður Ingi Jóhannsson sjávarútvegs- og landbúnaðarráðherra afhenti verðlaunin ásamt Lárusi Blöndal forseta ÍSÍ og listakonunni Siggu á Grund. Verðlaun þessi voru veitt í fyrsta sinn og skar Sigga á Grund þau út í tré og ber gripurinn heitið Gæðingaverðlaun LH.
Veðrið var þó ekki hliðhollt landsmótsgestum en hávaðarok hefur verið á svæðinu og rigning en virtist það lítil áhrif hafa á knapa, hesta og aðra gesti landsmótsins. Áhorfendastúkan var þétt setin og fagnaðarlætin mikil þegar úrslit voru kveðin upp.
Úrslitin voru eftirfarandi:
A flokkur - A úrslit
1. Spuni frá Vesturkoti / Þórarinn Ragnarsson 9,30
2. Trymbill frá Stóra-Ási / Gísli Gíslason 9,19
3. Gróði frá Naustum / Steingrímur Sigurðsson 9,02
4. Nagli frá Flagbjarnarholti / Árni Björn Pálsson 8,91
5. Hrafnar frá Auðsholtshjáleigu / Þórdís Erla Gunnarsdóttir 8,81
6. Gangster frá Árgerði / Stefán Birgir Stefánsson 8,76
7. Spói frá Litlu-Brekku / Sigurbjörn Bárðarson 8,73
8. Gormur frá Efri-Þverá / Sigurður Vignir Matthíasson 8,71
Einkunnirnar þær hæstu í manna minnum
Tengdar fréttir
Hellirignir á hesta og hestamenn
Óveðrið setti dagskrá Landsmóts hestamanna á Gaddstaðaflötum við Hellu úr skorðum í gær.
Landsmótið sett í blíðskaparveðri
Þrátt fyrir að veður hafi sett töluvert strik í reikninginn síðastliðna daga hafa landsmótsgestir ekki látið það mikið á sig fá og hefur það verið nokkuð vel sótt.
Besta veðrið á Landsmóti hestamanna
Veðrið mun leika við gesti Landsmóts hestamanna um helgina.
Baltasar Kormákur vill veðreiðar á Landsmót hestamanna
Leikstjórinn Baltasar Kormákur vill fá meira "kick“ á Landsmót hestamanna.
Landsmót hafið en veðurguðirnir gætu verið hliðhollari
Landsmót hestamanna hófst í gær með kynbótasýningum.
Aldrei fleiri útlendingar á landsmóti
Sjö þúsund manns eru á svæðinu, átta hundruð keppnishross og á þriðja hundruð starfsmenn.
Árni Björn og Stormur unnu öruggan sigur
Landsmót hestamanna náði hápunkti í kvöld þegar A-úrslit í tölti voru kveðin upp.
Birtir til og fjölgar á landsmóti
Veðrið setti fyrstu dagana strik í reikninginn.
Óttast ekki minni aðsókn vegna veðurs
Verkefnastjóri Landsmóts hestamanna segir aldrei fleiri miða hafa selst í forsölu en í ár.
Heimsmet á Hellu
Heldur betur hefur ræst úr veðri á Gaddstaðaflötum á Hellu og sólin farin að skína á gesti landsmóts hestamanna.
Segir hugarfar hestamanna byggjast á afneitun
Tungubogar, sem sagðir eru stríða gegn dýravelferðarlögum, eru enn í notkun meðal hestamanna. Hestafræðingur sakar hestamenn um að neita að horfast í augu við staðreyndir.
