Myndakeppni Veiðimannsins í sumar

Það er algjörlega ómissandi að hafa myndavél með sér í veiðiferðina því góð mynd af þeim stóra sem þarf að sleppa er ómetanleg.

Það er líka gaman að fanga eftirminnileg atvik til að skoða síðar eða mynda íslenska náttúru í allri sinni dýrð.  Veiðimaðurinn – málgagn stangveiðimanna - efnir til myndasamkeppni um bestu veiðimyndina frá ársvæðum SVFR sumarið 2016 líkt og síðasta sumar. Myndin sem verður valin fær 50 þúsund króna inneign upp í veiðileyfi næsta sumars og á möguleika að birtast á forsíðu blaðsins. Veiðimaðurinn hefur komið út frá árinu 1940 og hefur bæði frætt og kætt fjölmagar kynslóðir í meira en 75 ár. Myndir má senda á ritstjóra blaðsins, Hörð Vilberg, á netfangið [email protected].

Sigurmynd síðasta sumars tók Tryggvi Hilmarsson í Bjargstreng í Langá þann 11. september og prýddi hún forsíðu Veiðimannsins nr. 201 sem kom út í janúar. Þess má geta að sumarblað Veiðimannsins er á leið í prentun, hnausþykkt af spriklandi fersku efni fyrir stangveiðimenn.