Frá leitinni við Þingvallavatn í gær.Mynd/Landsbjörg
Lögreglan telur bátinn sem fannst mannlaus á floti í Þingvallavatni síðdegis í gær og bakpokann sem fannst í flæðarmáli vatnsins tilheyra sama einstaklingi og telur lögregla sig vita um hvern er að ræða. Þetta kom fram í samtali fréttastofu við Svein Kristján Rúnarrson, yfirlögregluþjón á Suðurlandi.
Að sögn Sveins er um erlendan ferðamann að ræða. Búið er að hafa samband við fjölskyldu mannsins, sem er staðsett erlendis, í gegnum utanríkisþjónustuna.
Leitin að manneskjunni sem gengið er út frá að hafi verið í bátnum sem fannst mannlaus á floti í Þingvallavatni síðdegis í gær hefst aftur um klukkan níu í dag. Hlé var gert á leitinni laust fyrir klukkan ellefu í gærkvöldi.
Enn er gengið út frá því að manneskja hafi verið í bátnum sem fannst mannlaus á floti í Þingvallavatni síðdegis í dag. Leitarmenn fundu bakpoka í flæðarmálinu fyrir skömmu, sem kann að gefa vísbendingu um mannaferðir.
