Fundi samninganefnda Icelandair og Flugfreyjufélags Íslands lauk á sjötta tímanum í dag án samnings.
Fundurinn stóð yfir í þrjá klukkutíma en ekki hefur verið boðað til nýs fundar að svo stöddu. Í samtali við fréttastofu segir Aðalsteinn Leifsson ríkissáttasemjari búast við því að boða til fundar ef grundvöllur skapist fyrir frekari viðræðum milli nefndanna.
