Norðurlandamótið í júdó hefði átt að fara fram hér á landi í Laugardalshöll dagana 12. og 13. september. Því hefur nú verið frestað.
Þetta kemur fram í tilkynningu júdósambands Íslands.
Reiknað var með að 300 keppendur kæmu hingað til lands frá hinum Norðurlöndunum. Nú er ljóst að ekkert verður af mótinu sökum kórónufaraldursins.
Formenn júdósambandanna á Norðurlöndum tóku ákvörðunina í sameiningu. Stefnt er að því að mótið fari fram hér á landi í apríl á næsta ári.
