Yfir 120 veitingastaðir á Dineout.is

Dineout.is er íslenskt hugbúnaðarfyrirtæki sem hannað hefur pöntunarkerfi fyrir veitingastaði til að halda utan um borðapantanir, take away og heimsendingar á mat. Inni á Dineout.is og gegnum smáforritið Dineout Iceland getur almenningur einnig nálgast yfir 120 veitingastaði og pantað borð eða take away eða fengið matinn sendan heim. Til viðbótar eru veitingastaðir að bjóða upp á frábæra afslætti af matarpöntunum. Dineout.is er vefverslun vikunnar á Vísi.

„Dineout.is er á fullri ferð hjá okkur og í stöðugri þróun. Í hverri einustu viku bætast fleiri og fleiri veitingastaðir við og þjónustan eykst,“ segir Inga Tinna Sigurðardóttir, framkvæmdastjóri og einn fjögurra eigenda Dineout.is. „Þarna inni er öll flóran, skyndibiti og háklassa veitingastaðir."

Mikilvægt á tímum takmarkana

Inga Tinna segir heimsendingu á mat og take away sérstaklega mikilvæga þjónustu á tímum samkomutakmarkana eins og nú. Dineout.is bregðist hratt við enda geta aðstæður tekið skyndilegum breytingum eins og við sáum gerast í síðustu viku.

„Heimsending og take away er auðvitað frábær lausn á tímum sem þessum og hlutirnir breytast hratt. Í borðabókunum þurfa veitingastaðir til dæmis að gera ráð fyrir fjöldatakmörkunum auk þess að taka niður nöfn allra gesta og kennitölur. Við aðlöguðum kerfið okkar að því strax til að einfalda veitingastöðum utanumhaldið. Það hefur þótt vera okkar gæðastimpill hvað við eru fljót að bregðast við og vinna kerfið eftir þörfum notandans í samvinnu. Allar borðabókanir eru gerðar í rauntíma svo um leið og viðskiptavinur bókar borð skilar bókunin sér beint inn til veitingastaðanna. Dineout er heilsteypt lausn sem tengir veitingastaði og almenning saman.“

Hægt að panta úti um allt land

„Dineout.is hefur einnig fært út kvíarnar til landsbyggðarinnar en í þessu árferði munu Íslendingar að öllum líkindum ferðast innanlands líkt og síðasta sumar. Dineout.is tekur borðapantanir langt fram í tímann og í hverjum einasta mánuði koma inn yfir 30.000 bókanir, bæði gerðar af starfsfólki veitingastaða og einnig viðskiptavinum sem panta sér borð. 

Það er gríðarlega mikill áhugi á því að fara út að borða þegar tilslakanir verða en þegar takmarkanir eru settar á þá eykst fjöldi pantana á heimsendingum. Landsbyggðin er einnig mjög vinsæl í take away og heimsendingarþjónustu og ættu veitingastaðir að sjá sér hag af þvi að nýta hugbúnaðarlausnina og birtast inni á markaðstorgi Dineout.is. Dineout.is er stórsniðugt fyrir neytandann og fyrir veitingastaðina að vera hluti af.“

Tengjast fleiri bókunarfyrirtækjum

Inga Tinna stofnaði fyrirtækið árið 2017 ásamt forriturunum Viktori Blöndal Pálssyni, Magnúsi Birni Sigurðssyni og Sindra Má Finnbogasyni. Sindri Már er einnig eigandi Tix.is. „Dineout.is og Tix tengjast og eins erum við tengd ja.is og fleiri fyrirtækjum sem verður til þess að bókanir á þá veitingastaði sem eru hjá Dineout.is aukast með auknum sýnileika. Þannig poppa upp hugmyndir að veitingastöðum að fara út að borða á eða panta mat frá, bæði fyrir og eftir viðburði,“ útskýrir Inga Tinna.

Draga út heppna í hverri viku

Nú er í gangi leikur þar sem heppnir notendur Dineout.is geta fengið matarpöntunina sína endurgreidda eða unnið gjafabréf.

„Um leið og þú pantar mat gefurðu upp netfang og síma og ert þar með komin í pottinn. Við drögum út tvo aðila í hverri viku sem fá máltíðina endurgreidda og einnig erum við með skemmtilegan leik í gangi á samfélagsmiðlum þar sem hægt er að vinna gjafabréf.“