„Botnleðja hugsar sinn gang“

Steinar Fjeldsted skrifar 13. febrúar 2022 18:30

Botnleðja er ein helsta hljómsveit okkar Íslendinga en sveitin gerði allt vitlaust á tíunda áratugnum. Þéttari sveit er erfitt að finna en hana skipa Heiðar Heiðar Örn Kristjánsson, Ragnar Páll Steinsson og Haraldur Freyr Gíslason.

Sveitin sendi frá sér sína fyrstu plötu árið 1995 sem heitir Drullumall. Platan varð “instant hit” og voru drengirnir heimsfrægir á Íslandi á einni nóttu. Aðeins einu sinni hefur sveitin spilað Drullumall í heild sinni en drengirnir voru rétt í þessu að tísa mögulega tónleika þar sem platan verður tekin í heild sinni.

Rokk Þyrstir aðdáendur geta því skellt sér í stellingar og vonað það besta. Það væri sko alls ekki slæmt að berja þessu frábæru sveit á tónleikum!

Þessi grein birtist fyrst á Albumm.is. Albumm var stofnaður árið 2014 og fjallar um íslenska tónlist og menningu frá öllum hliðum. Hægt er að hafa samband í [email protected].

Tónlist