Ófaglegar ráðningar, frændhygli og spilling ríki innan lögreglunnar Magnús Jochum Pálsson skrifar 24. maí 2023 20:47 Nanna Lind Stefánsdóttir, lögregluþjónn, segir ófaglegar ráðningar, frændhygli og spillingu ríkja innan lögreglunnar. Bylgjan Lögregluþjónn segir slælega stjórnunarhætti og spillingu vera stóra áhrifaþætti í miklu brottfalli hjá lögreglumönnum undanfarin fimmtán ár. Fjölgun lögreglunema sé ekki svarið heldur sé breytinga þörf í stjórnunarháttum og skipulagi lögreglunnar. Nanna Lind Stefánsdóttir, lögregluþjónn, skrifaði meistararitgerðina „Það hefur enginn verið rekinn fyrir að gera ekki neitt“ í stjórnun og stefnumótun við Háskóla Ísland um brotthvarf menntaðra lögreglumanna úr starfi á árunum 2007 til 2022. Hún kom í viðtal í Reykjavík síðdegis til að ræða ritgerðina og brottfallsvandann sem blasir við lögreglunni. Sjálf segist hún hafa horft á eftir of mörgum góðum samstarfsfélögum hverfa úr starfi og hafi þess vegna ráðist í skrifin. Fjöldi lögreglumanna hefur að sögn Nönnu nánast staðið í stað undanfarin fimmtán, þrátt fyrir mikla fólksfjölgun Íslendinga og mikla fjölgun ferðamanna. Af þessum ástæðum var í fyrra ákveðið að tvöfalda inntöku lögreglunema í lögreglunám. Nanna segir það aðeins vera plástur á núverandi ástand en dugi skammt ef lögreglan heldur áfram að missa menntaða lögreglumenn í önnur störf. „Ef fatan lekur þá þarf að gera eitthvað til að stöðva lekann. Það gengur ekki einvörðungu að skrúfa bara frá,“ segir hún. Ævistarfið entist stutt Við rannsóknina fékk Nanna til sín sextán viðmælendur sem áttu það sameiginlegt að vera fyrrum lögreglumenn sem hefðu horfið á braut á undanförnum fimmtán árum. Þeir komu úr öllum landshornum og höfðu flestir starfað hjá fleiri en einu embætti. Nanna segir það hafa sérstaklega vakið athygli sína að flest allir viðmælendurnir hafi lýst því að í upphafi starfsferilsins hafi þeir litið á lögreglustarfið sem sitt ævistarf og höfðu mikla ánægju af því. Síðan hafi hins vegar farið að halla undan fæti. Hún segir að þrátt fyrir ólíkar upplifanir og reynslu viðmælenda hafi verið sex megin áhrifaþættir fyrir brotthvarfi. Þeir hafi verið stjórnunarhættir, starfsánægja, starfsumhverfi, samspili vinnu og einkalífs, kjör og álag og streita. Ófaglegar ráðningar og spilling ríkjandi Aðspurð út í stjórnunarhættina segir Nanna viðmælendur hafa lýst því yfir að stjórnunarhættir hafi vegið þyngst við brotthvarfið. Þar lýstu viðmælendur „ófaglegum stjórnunarháttum, miklum samskiptaerfiðleikum, sérstaklega við yfirmenn, ríkjandi óréttlæti, ófaglegum ráðningum og takmörkunum á tækifærum til þróunar í starfi,“ að sögn Nönnu. Nanna segir viðmælendur hafa lýst því að við ófaglegar ráðningar væri frændhygli of algeng. Einnig væru dæmi þess að menn væru settir í stöðu til eins árs og að ári liðnu væri auglýsing sniðin eftir þeirri reynslu og eiginleikum sem viðkomandi fékk yfir árið. Aðspurð út í spillingu innan lögreglunnar segir Nanna að hún sé því miður til staðar. Hún sé ekki ný af nálinni og það sé breytinga þörf. Lögreglumenn hvattir til iðjuleysis „Það hefur enginn verið rekinn fyrir að gera ekki neitt“ er setning sem Nanna segir að allt of margir lögreglumenn hafi heyrt sjálfir eða heyrt einhvern segja. Hún hafi sjálf fengið að heyra þetta á sínu fyrsta sumri í lögreglunni til að draga niður frumkvæðiskraft hennar. „Þú verður bara að átta þig á að það hefur enginn verið rekinn fyrir að gera ekki neitt og við fáum jafn mikið borgað, hvort sem við förum út eða erum hér inni,“ segir hún að hafi verið sagt við sig. Þessi hugsunarháttur sé hluti af þessum slælegu starfsháttum. Hún segir þörf á því að vandinn sé krufinn og lögreglan líti inn á við. Hún nefnir að lögregluþjónar sem hætti ættu að fara í starfslokaviðtöl og að það þurfi meiri mannauðsstjórnun innan lögreglunnar. Hún leggur einnig til að horft sé til Norðurlandanna þar sem eru ráðnir inn sérfræðingar sem eru ekki menntaðir sem lögreglumenn í rannsóknardeildir. Hún segir viðmælendur hafa bent á að „aukinn fjöldi lögreglumanna leysi ekki allan vanda“. Það þurfi líka að auka gæði og hæfni og efla þá einstaklinga sem eru starfandi nú þegar. Lögreglan Reykjavík síðdegis Háskólar Mest lesið Eldar loga í LA og neyðarástandi lýst yfir Erlent Íbúar hafi óttast að svona gæti farið Innlent Ibrahim hafi horfið sjónum bílstjórans í fáeinar sekúndur Innlent Af hverju langar Trump í Grænland? Erlent Gerði ráð fyrir að verða formaður þingflokksins Innlent Ummælin um Grænland risastórt mál sem ætti að taka alvarlega Innlent Sjálfstæðismenn orðnir eins og vinstrimenn Innlent Telur stjórnsýsluúttekt litlu breyta fyrir íbúa og íhugar að flytja Innlent Bílstjórinn á Ásvöllum ákærður fyrir manndráp af gáleysi Innlent Fluttur á slysadeild til aðhlynningar eftir bruna á Sævarhöfða Innlent Fleiri fréttir Brugðið vegna ummæla Trumps og segir blikur á lofti í alþjóðamálum Sögulegt fuglaflensusmit á Íslandi og Trump ásælist Grænland Fylgdarakstur í Hvalfjarðargöngum vegna þrifa Foreldrar Ibrahims krefjast tuttugu milljóna í miskabætur Eyddu tundurduflinu á botni Eyjafjarðar Gæsluvarðhald vegna stunguárásar framlengt 333 veðurviðvaranir gefnar út á nýliðnu ári Sárt að vera sakaður um að maka krókinn á ósiðlegan hátt Bílstjórinn á Ásvöllum ákærður fyrir manndráp af gáleysi Bein útsending: Útför Egils Þórs Jónssonar Telur stjórnsýsluúttekt litlu breyta fyrir íbúa og íhugar að flytja Ummælin um Grænland risastórt mál sem ætti að taka alvarlega Efla vöktun við Ljósufjöll vegna jarðhræringa Gagnrýna aðbúnað í hjólhýsabyggðinni á Höfðanum Ibrahim hafi horfið sjónum bílstjórans í fáeinar sekúndur Íbúar hafi óttast að svona gæti farið Kettlingur í Reykjavík greindur með H5N5 Gerði ráð fyrir að verða formaður þingflokksins Skjálftar við Grjótárvatn og Bárðarbungu Fluttur á slysadeild til aðhlynningar eftir bruna á Sævarhöfða Tundurduflið dregið út á Eyjafjörð og eytt í birtingu Sjálfstæðismenn orðnir eins og vinstrimenn Krefjast upptöku á aragrúa gullmuna í fíkniefnamáli tvíbura Framtíð Grænlands ráðist í Grænlandi Götulokanir á Akureyri vegna tilfærslu sprengjunnar Hafi þurft að þola ómannúðlega meðferð sem dró hann til dauða Stefnir ríkinu vegna plastbarkamálsins „Hann kom víða við og snerti marga“ Fimm sækjast eftir embætti Landlæknis „Þetta er sannarlega mikill heiður“ Sjá meira
Nanna Lind Stefánsdóttir, lögregluþjónn, skrifaði meistararitgerðina „Það hefur enginn verið rekinn fyrir að gera ekki neitt“ í stjórnun og stefnumótun við Háskóla Ísland um brotthvarf menntaðra lögreglumanna úr starfi á árunum 2007 til 2022. Hún kom í viðtal í Reykjavík síðdegis til að ræða ritgerðina og brottfallsvandann sem blasir við lögreglunni. Sjálf segist hún hafa horft á eftir of mörgum góðum samstarfsfélögum hverfa úr starfi og hafi þess vegna ráðist í skrifin. Fjöldi lögreglumanna hefur að sögn Nönnu nánast staðið í stað undanfarin fimmtán, þrátt fyrir mikla fólksfjölgun Íslendinga og mikla fjölgun ferðamanna. Af þessum ástæðum var í fyrra ákveðið að tvöfalda inntöku lögreglunema í lögreglunám. Nanna segir það aðeins vera plástur á núverandi ástand en dugi skammt ef lögreglan heldur áfram að missa menntaða lögreglumenn í önnur störf. „Ef fatan lekur þá þarf að gera eitthvað til að stöðva lekann. Það gengur ekki einvörðungu að skrúfa bara frá,“ segir hún. Ævistarfið entist stutt Við rannsóknina fékk Nanna til sín sextán viðmælendur sem áttu það sameiginlegt að vera fyrrum lögreglumenn sem hefðu horfið á braut á undanförnum fimmtán árum. Þeir komu úr öllum landshornum og höfðu flestir starfað hjá fleiri en einu embætti. Nanna segir það hafa sérstaklega vakið athygli sína að flest allir viðmælendurnir hafi lýst því að í upphafi starfsferilsins hafi þeir litið á lögreglustarfið sem sitt ævistarf og höfðu mikla ánægju af því. Síðan hafi hins vegar farið að halla undan fæti. Hún segir að þrátt fyrir ólíkar upplifanir og reynslu viðmælenda hafi verið sex megin áhrifaþættir fyrir brotthvarfi. Þeir hafi verið stjórnunarhættir, starfsánægja, starfsumhverfi, samspili vinnu og einkalífs, kjör og álag og streita. Ófaglegar ráðningar og spilling ríkjandi Aðspurð út í stjórnunarhættina segir Nanna viðmælendur hafa lýst því yfir að stjórnunarhættir hafi vegið þyngst við brotthvarfið. Þar lýstu viðmælendur „ófaglegum stjórnunarháttum, miklum samskiptaerfiðleikum, sérstaklega við yfirmenn, ríkjandi óréttlæti, ófaglegum ráðningum og takmörkunum á tækifærum til þróunar í starfi,“ að sögn Nönnu. Nanna segir viðmælendur hafa lýst því að við ófaglegar ráðningar væri frændhygli of algeng. Einnig væru dæmi þess að menn væru settir í stöðu til eins árs og að ári liðnu væri auglýsing sniðin eftir þeirri reynslu og eiginleikum sem viðkomandi fékk yfir árið. Aðspurð út í spillingu innan lögreglunnar segir Nanna að hún sé því miður til staðar. Hún sé ekki ný af nálinni og það sé breytinga þörf. Lögreglumenn hvattir til iðjuleysis „Það hefur enginn verið rekinn fyrir að gera ekki neitt“ er setning sem Nanna segir að allt of margir lögreglumenn hafi heyrt sjálfir eða heyrt einhvern segja. Hún hafi sjálf fengið að heyra þetta á sínu fyrsta sumri í lögreglunni til að draga niður frumkvæðiskraft hennar. „Þú verður bara að átta þig á að það hefur enginn verið rekinn fyrir að gera ekki neitt og við fáum jafn mikið borgað, hvort sem við förum út eða erum hér inni,“ segir hún að hafi verið sagt við sig. Þessi hugsunarháttur sé hluti af þessum slælegu starfsháttum. Hún segir þörf á því að vandinn sé krufinn og lögreglan líti inn á við. Hún nefnir að lögregluþjónar sem hætti ættu að fara í starfslokaviðtöl og að það þurfi meiri mannauðsstjórnun innan lögreglunnar. Hún leggur einnig til að horft sé til Norðurlandanna þar sem eru ráðnir inn sérfræðingar sem eru ekki menntaðir sem lögreglumenn í rannsóknardeildir. Hún segir viðmælendur hafa bent á að „aukinn fjöldi lögreglumanna leysi ekki allan vanda“. Það þurfi líka að auka gæði og hæfni og efla þá einstaklinga sem eru starfandi nú þegar.
Lögreglan Reykjavík síðdegis Háskólar Mest lesið Eldar loga í LA og neyðarástandi lýst yfir Erlent Íbúar hafi óttast að svona gæti farið Innlent Ibrahim hafi horfið sjónum bílstjórans í fáeinar sekúndur Innlent Af hverju langar Trump í Grænland? Erlent Gerði ráð fyrir að verða formaður þingflokksins Innlent Ummælin um Grænland risastórt mál sem ætti að taka alvarlega Innlent Sjálfstæðismenn orðnir eins og vinstrimenn Innlent Telur stjórnsýsluúttekt litlu breyta fyrir íbúa og íhugar að flytja Innlent Bílstjórinn á Ásvöllum ákærður fyrir manndráp af gáleysi Innlent Fluttur á slysadeild til aðhlynningar eftir bruna á Sævarhöfða Innlent Fleiri fréttir Brugðið vegna ummæla Trumps og segir blikur á lofti í alþjóðamálum Sögulegt fuglaflensusmit á Íslandi og Trump ásælist Grænland Fylgdarakstur í Hvalfjarðargöngum vegna þrifa Foreldrar Ibrahims krefjast tuttugu milljóna í miskabætur Eyddu tundurduflinu á botni Eyjafjarðar Gæsluvarðhald vegna stunguárásar framlengt 333 veðurviðvaranir gefnar út á nýliðnu ári Sárt að vera sakaður um að maka krókinn á ósiðlegan hátt Bílstjórinn á Ásvöllum ákærður fyrir manndráp af gáleysi Bein útsending: Útför Egils Þórs Jónssonar Telur stjórnsýsluúttekt litlu breyta fyrir íbúa og íhugar að flytja Ummælin um Grænland risastórt mál sem ætti að taka alvarlega Efla vöktun við Ljósufjöll vegna jarðhræringa Gagnrýna aðbúnað í hjólhýsabyggðinni á Höfðanum Ibrahim hafi horfið sjónum bílstjórans í fáeinar sekúndur Íbúar hafi óttast að svona gæti farið Kettlingur í Reykjavík greindur með H5N5 Gerði ráð fyrir að verða formaður þingflokksins Skjálftar við Grjótárvatn og Bárðarbungu Fluttur á slysadeild til aðhlynningar eftir bruna á Sævarhöfða Tundurduflið dregið út á Eyjafjörð og eytt í birtingu Sjálfstæðismenn orðnir eins og vinstrimenn Krefjast upptöku á aragrúa gullmuna í fíkniefnamáli tvíbura Framtíð Grænlands ráðist í Grænlandi Götulokanir á Akureyri vegna tilfærslu sprengjunnar Hafi þurft að þola ómannúðlega meðferð sem dró hann til dauða Stefnir ríkinu vegna plastbarkamálsins „Hann kom víða við og snerti marga“ Fimm sækjast eftir embætti Landlæknis „Þetta er sannarlega mikill heiður“ Sjá meira