Afturelding
ÍBV
Karlmaður um fertugt var í dag, í Héraðsdómi Reykjaness, úrskurðaður í áframhaldandi gæsluvarðhald í þágu rannsóknar á andláti karlmanns um síðustu helgi í Drangahrauni í Hafnarfirði. Hinn látni var á fimmtugsaldri.
Úrskurðurinn gildir til 19. júlí og er á grundvelli almannahagsmuna.
Í tilkynningu segir að rannsókn málsins miði vel og ekki sé hægt að veita frekari upplýsingar að svo stöddu.
Rætt var við Grím Grímsson, yfirlögregluþjón hjá lögreglunni á höfuðborgarsvæðinu, í kvöldfréttum. Hann segir tengsl vera á milli mannanna sem báðir eru pólskir ríkisborgarar.
Greint var frá því í framhaldinu að mennirnir hafi verið meðleigjendur.
Karlmaður á fertugsaldri er sagður hafa verið meðleigjandi þess sem hann er nú grunaður um að hafa orðið að bana í iðnaðarhverfi í Hafnarfirði, aðfararnótt 17. júní. Hann situr nú í gæsluvarðhaldi vegna málsins.
