Veðrið setti strik í reikninginn á Selfossi í kvöld, eins og víðar á suðvestur horni landsins, og bar leikurinn þess merki.
Lengst af leit út fyrir að liðin myndu skipta stigunum á milli sín, en Adrian Sanchez sá til þess að Selfyssingar tóku stigin þrjú er hann kom boltanum í netið á sjöundu mínútu uppbótartíma síðari hálfleiks. Það reyndist seinasta snerting leiksins og niðurstaðan varð því 1-0 sigur Selfoss.
Þrátt fyrir sigurinn sitja Selfyssingar enn í fallsæti, en nú er það aðeins markatalan sem heldur liðinu frá öruggu sæti. Þróttur, Grótta og Njarðvík eru einnig með 23 stig, en Njarðvíkingar eiga þó leik til góða.
