Menning

Vill njóta þess að skapa og sam­tímis ná að lifa af

Dóra Júlía Agnarsdóttir skrifar
Fatahönnuðurinn Sól Hansdóttir er viðmælandi vikunnar í Kúnst.
Fatahönnuðurinn Sól Hansdóttir er viðmælandi vikunnar í Kúnst. Vísir/Vilhelm

Fatahönnuðurinn Sól Hansdóttir fann fljótt að hönnun hennar ætti erindi erlendis og stefnir því á að flytjast alfarið út með vinnustofu sína. Hún bjó lengi vel í London þar sem hún lagði stund á meistaranám í fatahönnun en neyddist til að klára námið heima á Íslandi vegna Covid. Sól er viðmælandi í Kúnst.

Hér má sjá viðtalið við Sól í heild sinni:

Sól vinnur gjarnan með efnivið frá sveitabæ föður síns undir Eyjafjöllum og lætur ekkert efni fara til spillis en hún segir vistvænar aðferðir einfaldlega gera hönnunina enn betri. Hún hefur vakið athygli fyrir hönnun sína úti í heimi en hún stundaði meistaranám við Central Saint Martins í London og hefur verið með sýningar þar, í París og víðar. 

Hún setti meðal annars upp tískusýningu í gamalli kirkju í tengslum við Tískuvikuna í London og hefur klætt þekkt íslenskt tónlistarfólk á borð við Nönnu úr Of Monsters And Men og rappsveitina Reykjavíkurdætur.

„Ég er meira að skoða erlendan markað og er að vinna að því að fara með praktíkina mína aftur alveg út. Ég sé fyrir mér að setja upp mitt merki en ég sé ekki fyrir mér að hafa það mjög stórt. Ég elska svo mikið að vera svolítið hands on og fá að vera með puttana algjörlega í mínu. Markmiðið er að ná einhverju fallegu jafnvægi þar sem ég næ að njóta mín í sköpuninni en samt lifað af,“ segir Sól og hlær.

Kúnst Tíska og hönnun Íslendingar erlendis

Tengdar fréttir

Hannar hátískuflíkur úr ull fjölskyldusveitarinnar

Fatahönnuðurinn Sól Hansdóttir var ung að árum harðákveðin í því hvernig hún vildi klæða sig og hefur alla tíð verið óhrædd við að fara eigin leiðir. Sól hefur verið með annan fótinn í London síðustu ár og stefnir á erlendan markað með hönnun sína en hún er viðmælandi í nýjasta þætti af Kúnst.

„Ég er ekkert að slæpast“

„Ég er algjör fréttafíkill, ég hlusta á hvern einasta fréttatíma,“ segir hin 90 ára Ragnheiður Jónsdóttir, grafíker og kolamálari, sem stendur fyrir sýningunni Kosmos/Kaos á Listasafni Árnesinga. Ragnheiður er viðmælandi í nýjasta þætti af Kúnst.

Konurnar voru bara eins og eitt af húsgögnunum

„Ég hef gert myndirnar fyrst og haft áhyggjurnar á eftir. Þegar ég opnaði mína fyrstu sýningu árið 1976 hafði ég áhyggjur af því að ég yrði bara rökkuð niður,“ segir grafíkerinn og kolateiknarinn Ragnheiður Jónsdóttir, sem er gagnrýnin og óhrædd við að segja sína skoðun í listsköpun sinni. Ragnheiður er viðmælandi í Kúnst.

Vildi klæðast ruslinu sínu

„Ég myndi segja að leikgleði einkenni listsköpun mína og hún er mjög litrík og umhverfisvæn,“ segir vöruhönnuðurinn og plötusnúðurinn Rebekka Ashley, sem finnur notagildi í nánast öllu í kringum sig og fer vistvænar leiðir í sinni listsköpun. Rebekka Ashley er viðmælandi í Kúnst.

Hlær bara að hrútskýringum

Fjöllistakonan Guðlaug Sóley, jafnan þekkt sem Gugusar, hefur náð miklum árangri sem tónlistarkona á undanförnum árum og meðal annars unnið til Íslensku tónlistarverðlaunanna. Hún byrjaði fimmtán ára gömul að semja tónlist og pródúsera sjálf en takmarkar sig ekki við einn listmiðil. Gugusar er viðmælandi í nýjasta þætti af Kúnst. 

Flugu saman fram af hárugri bjarg­brún

„Okkur fannst bara mjög spennandi að vinna saman og við vissum strax að við ætluðum að vera með óvanalega sýningu. Maður finnur ákveðið traust til að hleypa einhverjum svona inn í sinn heim,“ segja Hrafnhildur Arnardóttir, jafnan þekkt sem Shoplifter, og Hrafnkell Sigurðsson, myndlistarmaður ársins 2022. 



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.