Á­tján ára og stefna langt

Hér má sjá tónlistarmyndbandið við lagið, sem heitir Ráðinn: 

Byggja upp feril sinn og eru samtímis hluti af stærri hóp

Ásamt strákunum koma Maron Birnir Reynisson, Helgi Trausti Stefánsson, Lindi Banushi, Ívar Páll Arnarsson, Theodór Gísli Sigurgeirsson, Kristján Saenz, Tryggvi Þór Torfason, Stefán Logi Herrmannsson og Ísak Örn Friðriksson fram í myndbandinu en allir tilheyra tónlistarakademíunni í Tónhyl. 

„Lagið kemur út undir nafninu Tónhylur Akademía sem er hópurinn í heild sinni en flytjendurnir eru líka skráðir fyrir laginu. Pælingin er að þannig geta þeir bæði byggt upp sinn eigin feril en um leið verið hluti af stærri hóp.

Tónhylur gefur síðan út lagið og framleiðir myndbandið ásamt því að halda utan um hópinn og hjálpa þeim að koma sér á framfæri,“ segir í fréttatilkynningu frá Tónhyl.

Hér má hlusta á lagið á streymisveitunni Spotify. 

Hafa aldrei fengið jafn góðar viðtökur

Hugmyndin að laginu kviknaði uppi í stúdíói að sögn strákanna. 

„Helgi var búinn að gera viðlagið við annað lag og sendi það svo á Tryggva sem bjó til nýtt beat. Þá heyrðum við hinir það strax að þetta væri gott lag og byrjuðum að klára versin. Þetta er búið að ganga mjög vel, miklu betur en við bjuggumst við. Höfum aldrei fengið svona góðar viðtökur við lagi sem er auðvitað bara geggjað,“ segir Maron. 

Helgi Trausti segist hafa fengið innblástur úr skólanum:

„Ég var að lesa einhverja bók í skólanum og í bókinni kom þessi setning um að einhver væri ekki með réttu ráði. Þá ákvað ég að búa til texta með þessum orðum og úr því kom textinn við lagið. Margir halda reyndar að textinn sé „er ekki með réttu ráðin“ og þaðan komi nafnið á laginu en það er misskilningur. Titill lagsins, Ráðinn, kom frá öðrum í hópnum en það þýðir víst að vera ákveðinn sem okkur fannst passa vel. Það er búið að vera frábært að sjá laginu ganga svona vel og ég gæti ekki verið sáttari.“

Egill Airi segist ekki hafa sótt innblástur í neitt ákveðið. 

„Ég bara hélt áfram að gera eitthvað þangað til mér fannst það fara að virka. Mér finnst frábært að lagið sé komið út og mér líður ekkert eðlilega vel með hvað það er að ganga vel.“

Strákarnir sendu sönginn svo yfir á Tryggva Þór pródúser. 

„Ég byrjaði síðan bara að fikta við að gera beat sem mér fannst passa. Síðan byggðist það bara upp með strákunum og við kláruðum lagið saman.

Ég er sjúklega stoltur af þessu lagi og gaman að sjá að því gangi svona vel,“ segir Tryggvi Þór. 

Hér má sjá vel valdar myndir frá frumsýningarpartýinu sem haldið var í Smárabíói: