Dagskráin stendur milli 13 og 16 og verður hægt að fylgjast með í beinu streymi.
Í tilkynningu segir að dagurinn sé sameiginlegt verkefni SA, SAF, Samorku, SFF, SFS, SI og SVÞ.
„Dagurinn í ár er tileinkaður leiðandi atvinnulífi á sviði grænna lausna. Hin árlegu Umhverfisverðlaun atvinnulífsins verða veitt hátíðlega fyrir Umhverfisfyrirtæki ársins og Framtak ársins.
Í kjölfarið taka við tvær lotur af lifandi og skemmtilegum málstofum og í ár gefst gestum tækifæri til að velja um eina af fjórum málstofum í hvorri lotu. Þar munu fjölbreyttir fulltrúar aðildarsamtaka koma saman til að ræða stöðu atvinnulífsins, áskoranir og horfur til framtíðar. Kaffi og tengslamyndum verður á milli málstofa,“ segir í tilkynningunni.
Hægt er að fylgjast með í beinu streymi í spilaranum að neðan.
