Frá þessu er greint í færslu á samfélagsmiðlum HSÍ þar sem ferðasaga liðsins til þessa til Georgíu er rakin.
Samkvæmt handbolti.is er Gísli Þorgeir að glíma við meiðsli og hefur miðillinn eftir Snorra Steini landsliðsþjálfara að Gísli finni til eymsla í öxl. Ekki þótti ráðlegt að hafa hann með í komandi leik úr því að hann mun ekki geta beitt sér af fullum þunga þar. Enn fremur segir að meiðsli Gísla séu ekki alvarleg.
Benedikt Gunnar Óskarsson kom inn í landsliðshópinn í stað Gísla Þorgeirs en Strákarnir okkar héldu af landi brott í morgun og er hópurinn nú lentur í Munchen þar sem tekur við hvíld fram á kvöld en þá verður haldið til Tiblisi í Georgíu.
Lent verður í Tbilisi 04:00 í nótt að staðartíma, á morgun mun liðið æfa í keppnishöllinni og ná úr sér ferðaþreytunni.
Ísland vann Bosníu í fyrsta leik undankeppninnar hér heima á dögunum en leikirnir eru ekki síður mikilvægir í undirbúningi liðsins fyrir komandi stórmót. Heimseistaramótið í upphafi næsta árs.
Leikmannahópur Íslands fyrir leikinn gegn Georgíu er eftirfarandi:
Markverðir:
Björgvin Páll Gústavsson Valur 272/24
Viktor Gísli Hallgrímsson Wista Plock 59/1
Aðrir leikmenn:
Arnar Freyr Arnarsson MT Melsungen 99/100
Benedikt Gunnar Óskarsson, Kolstad 2/0
Bjarki Már Elísson Veszprém 117/397
Einar Þorsteinn Ólafsson Fredericia 13/4
Elvar Örn Jónsson MT Melsungen 78/183
Haukur Þrastarson Dinamo Bucaresti 34/47
Janus Daði Smárason Pick Szeged 85/135
Óðinn Ríkharðsson Kadetten Scaffhausen 42/128
Ómar Ingi Magnússon SC Magdeburg 87/311
Orri Freyr Þorkelsson Sporting 15/38
Sveinn Jóhannsson Kolstad 13/24
Þorsteinn Leó Gunnarsson Porto 4/9
Viggó Kristjánsson Leipzig 58/163
Ýmir Örn Gíslason Frisch Auf Göppingen 91/36
