Sjáðu fernuna hjá Sveindísi Jane í Meistara­deildinni

Wolfsburg vann 6-1 sigur á ítölsku meisturunum í Roma og stjarna kvöldsins var íslenska landsliðskonan.

Sveindís kom inn á sem varamaður 34 mínútum fyrir leikslok en skoraði fjögur mörk á þessum rúma hálftíma. Hún skapaði að auki þrjá færi fyrir liðsfélaga sína á þessum tíma og fór algjörlega á kostum.

Mörkin hennar komu á 68., 85., 89. og 90.+2 mínútu. Hún skoraði fjögur síðustu mörk þýska liðsins í leiknum.

Sveindís hafði ekki náð að skora í Meistaradeildinni í vetur en nú brast stíflan heldur betur.

Wolfsburg tók saman helstu svipmyndir frá leiknum í kvöld og má sjá þann pakka hér fyrir neðan.