Lífið

Bjarg­vætturinn birtist ó­vænt og Hilmar brast í grát

Aníta Guðlaug Axelsdóttir skrifar
Hilmar Þór hittir bjargvætt sinn tæpum tuttugu og þremur árum eftir slysið.
Hilmar Þór hittir bjargvætt sinn tæpum tuttugu og þremur árum eftir slysið.

Hilmar Þór Jónsson var fáklæddur þegar hann og félagi hans lifðu af í tvær og hálfa klukkustund í sjónum í sjö stiga frosti eftir að bátur þeirra Bjarmi VE sökk fyrir austan Vestmannaeyjar. Þá dóu tveir menn úr vosbúð. Hilmar brestur í grát þegar bjargvættur hans, sigmaður af þyrlu Landhelgisgæslunnar, birtist honum óvænt í Útkallsþætti Óttars Sveinssonar. Þáttinn í heild má finna hér að neðan.

„Ég get bara sagt takk. Takk.“ segir Hilmar tárvotur þegar hann og Einar Valsson fallast í faðma nú þegar þeir hittust í fyrsta skipti eftir slysið, tæpum 23 árum síðar. Andartökum áður en Einar birtist segir Hilmar að hann hafi oft viljað hitta hann, en þá alltaf hugsað „hvernig í ósköpunum“ hann gæti þakkað fyrir lífgjöfina. Eftir það gengur Einar inn og kemur Hilmari á óvart. Miklar tilfinningar brjótast fram hjá báðum mönnunum.

Klippa: Útkall - Bjarmi sekkur

Hugsaði um að láta öldurnar klára þetta

„Ég hugsaði það oftar en einu sinni og oftar en tvisvar að leyfa öldunum sem voru að koma þarna, hvort ég ætti bara að sleppa og leyfa öldunni að klára þetta,“ segir Hilmar sem var í raun vonlaus um að honum og Þorsteini Ingimarssyni, þá 19 ára, yrði bjargað í ísköldum og miskunnarlausum öldunum.“

Ég man eftir því að Matti sagði: „Jæja strákar, núna er þetta búið. Nú munum við deyja. Hann lagði til að við myndum bara biðja, og ég bað. Ég er ekki mjög trúaður maður en í þetta skiptið bað ég þennan uppi að bjarga mér.

Í nær 20 ár var Hilmar með sektarkennd vegna slyssins – hann kenndi sér um að tveir menn hefðu farist. „Af því að ég skar á vitlausa línu,“ segir hann. „Kannski átti ég frekar að fara en þeir.“

Hilmar Þór Jónsson.
Útkall

Tengdar fréttir

Léttir að heyra öskrið í dóttur sinni

Skaðræðisöskur eins árs stúlku var gífurlegur léttir fyrir unga móður eftir snjóflóðin í Neskaupstað í desember 1974. Fólk sem lifði af mannskæð snjóflóð í Neskaupstað árið 1974 hugsar til fjölskyldu og vina í fámenna plássinu.

Hélt hann væri að missa skipið

„Ég sá í bakglugganum að það birti upp. Svo tek ég eftir því að það stendur eldstrókur upp úr skorsteininum. Stuttu seinna var eins og stæði eldsprengja út um loftristarnar. Mér brá mjög. Fyrsta hugsunin var; gátu nú endalokin ekki verið betri en þetta,“ segir Nikulás Halldórsson, fyrrum skipstjóri á Goðafossi, í nýjasta, og jafnframt síðasta, Útkallsþættinum.

„Ég held að þetta gleymist seint“

„Á mínum fimmtíu árum til sjós þá er þetta held ég mín mesta lífsreynsla, að lenda í þessu,“ segir Nikulás Halldórsson fyrrum skipstjóri á Goðafossi.

Grindvíski bjargvætturinn kom óvænt og gladdi Eyjahjónin

„Það er ekki hægt að fullþakka fyrir svona,“ segir Eyjakonan Ragnheiður Einarsdóttir hálfklökk í nýjasta Útkallsþættinum þegar hún faðmar Margeir Jónsson úr Grindavík sem var í hópi björgunarsveitarmanna sem björguðu lífi eiginmanns hennar, Guðjóns Rögnvaldssonar, og ellefu öðrum Eyjamönnum.

„Ég var algjörlega búinn og orkulaus“

„Ég er allt í einu bara á leiðinni niður í hafsdjúpið. Það eina sem komst að var að reyna að komast upp á yfirborðið. En ég var ekkert á leiðinni þangað. Það var allt á hvolfi og ég komst ekkert út,“ segir Júlíus Víðir Guðnason háseti sem taldi að hann væri að fara niður á hafsbotn með flutningaskipinu Suðurlandi þegar það var að sökkva fyrir norðan heimskautsbaug á aðfangadagskvöld árið 1986.

Þyrluflugstjórinn kom óvænt og gladdi Vigdísi

„Vigdís, ef ég segi þér núna að þyrluflugstjórinn sem bjargaði þér stendur við hliðina á þér?“ spyr Óttar Sveinsson Vigdísi Elísdóttur í nýjasta þætti Útkalls, þar sem henni var komið algjörlega á óvart með því að Bogi Agnarsson þyrluflugstjóri kom að hitta hana í lok viðtals.

„Ég get ekki meir“

„Það er í raun ekkert hægt að lýsa svona reynslu. Þetta var eins og að vera í þvottavél,” segir Auðunn Kristinsson sigmaður en hann er annar af viðmælendum Óttars Sveinssonar í nýjasta þætti Útkalls. Þátturinn var frumsýndur var á Vísi síðastliðinn sunnudag og verður sýndur á Stöð 2 Vísi klukkan 20 í kvöld.

„Ég beygði mig niður og hugsaði: Nú dey ég“

„Ég var sannfærð um að þetta væri búið. Ég beygði mig niður og hugsaði: Nú dey ég. Nú komu hræðileg högg sem sögðu mér að vélin væri að brotlenda. Hún sleikti trjátoppana.“



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.