Kraftajötnarnir Andrés Guðmundsson og Hjalti „Úrsus“ Árnason stela senunni í Bestu deildar auglýsingunni fyrir Aftureldingu.
Í auglýsingunni eru bræðurnir Axel og Jökull, synir Andrésar, að taka á því í ræktinni ásamt Andrési og Hjalta. Þeir tveir síðarnefndu hafa eytt ansi mörgum klukkutímum þar í gegnum tíðina.
Andrés veltir því fyrir sér hvað hafi klikkað í uppeldinu fyrst guttarnir séu alltaf í fótbolta.
Afturelding verður í Bestu deildinni í fyrsta skipti í sumar og ef eitthvað er að marka þessa stiklu þá mæta Mosfellingar í fantaformi.
Baldur Sigurðsson, sérfræðingur Stúkunnar, telur að Afturelding geti spjarað sig vel á sínu fyrsta tímabili í Bestu deild karla.
Íþróttadeild Vísis og Stöðvar 2 Sports spáir Aftureldingu 11. sæti Bestu deildar karla í sumar.
Íþróttadeild Vísis og Stöðvar 2 Sports spáir Aftureldingu 11. sæti Bestu deildar karla í sumar.
