Viðskipti
Gengi Eimskips féll um 20 prósent í dag
Gengi hlutabréfa í Eimskipafélaginu féll um 20 prósent í dag, mest skráðra félaga í Kauphöllinni. Félagið skilaði uppgjöri í gærkvöldi en þar kemur fram að það hafi tapað 96 milljörðum króna á síðasta ári.
Alfesca hækkar eitt í Kauphöllinni
Gengi hlutabréfa í Alfesca, hefur hækkað um 1,28 prósent það sem af er dags. Þetta er eina hækkun dagsins. Á sama tíma hefur gengi Century Aluminum, móðurfélags Norðuráls, fallið um 6,65 prósent, Bakkavarar um 3,63 prósent og Eimskips um 2,4 prósent.
Krónan styrkist um 0,5 prósent - vísitalan í 194 stigum
Krónan hefur styrkst um 0,5 prósent í dag. Gengisvísitalan stendur í 194 stigum og hefur hún því styrkst um 13,8 prósent síðasta hálfa mánuðinn. Gjaldeyrishöftin skýra styrkinguna að mestu enda innflæði gjaldeyris nokkuð jafnt á sama tíma og lítið fer út auk kaupa Seðlabankans á krónum, samkvæmt upplýsingum frá gjaldeyrisborði Glitnis.
Bankastjórnin eyland í Seðlabankanum
Bankastjórn Seðlabankans var ein um að vilja lækkun stýrivaxta. Hagfræðingar bankans voru hins vegar sammála mati Alþjóðagjaldeyrissjóðsins að halda þeim óbreyttum í átján prósentum. Þetta fullyrðir Beat Siegenthaler, sérfræðingur hjá TD Securities í London í Bretlandi.
Botninum náð um mitt næsta ár - betri tíð árið 2014
Áætlað er að botni samdráttar í íslensku efnahagslífi verði náð um mitt næsta ár. Hagvöxtur nær sömu hæðum og fyrir bankahrun árið 2014. Þetta kemur fram í Peningamála Seðlabankans, sem kom út í dag.
Seðlabankinn vildi lækka stýrivexti
Bankastjórn Seðlabankans vildi lækka stýrivexti í dag. Alþjóðagjaldeyrissjóðurinn hvatti hins vegar til að vöxtum yrði haldið óbreyttum í 18 prósentum að sinni vegna tímabundinnar óvissu í íslenskum stjórnmálum.
Krónan styrkist um 1,2 prósent - en veltan agnarsmá
Krónan hefur styrkst um tæp 1,2 prósent það sem af er dags en gengisvísitalan fór til skamms tíma í 197 stig. Velta á gjaldeyrismarkaði er agnarsmá á degi hverjum miðað við stöðuna fyrir fall bankanna.
Enn hækkar Straumur
Gengi hlutabréfa í Straumi hefur hækkað um 1,78 prósent í dag en það hefur nú hækkað jafnt og þétt frá því á fimmtudag í síðustu viku, eða um 44,5 prósent. Það stendur nú í 1,72 krónum á hlut. Fyrir sléttu ári stóð gengið hins vegar í rétt rúmum 14 krónum á hlut.
Straumur ekki á útleið
Straumur er ekki á leið úr landi. Þetta fullyrðir Georg Andersen, framkvæmdastjóri upplýsingasviðs fjárfestingabankans. „Það eru einhverjir átján til tuttugu mánuðir síðan við byrjuðum að skoða málin. Áætlanir hafa ekki farið lengra,“ segir hann.
Straumur hækkaði um rúm 30 prósent í vikunni
Gengi hlutabréfa í Straumi hefur haldið áfram að hækka í Kauphöllinni í dag en síðastaliðna þrjá daga hefur það rokið upp um rétt rúm 30 prósent. Breska viðskiptablaðið Financial Times hafði eftir William Fall, forstjóra, í gær, að bankinn sé að skoða flutning frá Íslandi og sé að skoða skráningu á markað í Stokkhólmi í Svíþjóð og í Lundúnum í Bretlandi.
Doktor Dómsdagur varar enn við hremmingum
Halla mun frekar undan fæti á hlutabréfamörkuðum og munu nýmarkaðsríkin fylgja hinum ríkjunum inn í alvarlega og djúpa kreppa. Svo mælir dr. Nouriel Roubini, prófessor í hagfræði við New York-háskóla.
Straumur hækkar um 25 prósent á tveimur dögum
Gengi hlutabréfa í Straumi toppuðu daginn í Kauphöllinni með hækkun upp á 9,86 prósent. Bréf í fjárfestingabankanum hafa nú hækkað um rúm 25 prósent á síðustu tveimur viðskiptadögum.
Enn hækkar Straumur
Gengi hlutabréfa í Straumi hefur hækkað um 4,93 prósent síðan viðskipti hófust í Kauphöllinni í dag. Á eftir fylgir gengi bréfa í færeyska olíuleitarfélaginu Atlantic Petroleum, sem hefur farið upp um 3,6 prósent, og í Össuri, sem hefur hækkað um 2,0 prósent.
Straumur stekkur upp í byrjun dags
Gengi hlutabréfa í Straumi hefur rokið upp um rúm 8,9 prósent frá því viðskipti hófust í Kauphöllinni fyrir rúmum stundarfjórðungi. Á eftir fylgir gengi bréfa í Marel Food Systems, sem hefur hækkað um 0,77 prósent, og í Össuri, sem hefur hækkað um 0,62 prósent.
AGS breytir spá um hagvöxt
Alþjóðagjaldeyrissjóðurinn mun á næstu dögum lækka hagvaxtaspá sína fyrir 2009 frá því sem birt var í nóvember. Þá var spáð að hagvöxtur í heiminu yrði 2,2% en í október hafði sjóðurinn spáð 3% hagvexti. Talið er að spáin lækki nú niður í 1 til 1,5% sem sérfræðingar segja umtalsverða breytingu. Sérfræðingur hjá sjóðnum segir útlit á alþjóðamörkuðum mjög dökkt.
Century Aluminum lækkaði mest
Gengi hlutabréfa í Century Aluminum, móðurfélagi Norðuráls, féll um 3,16 prósent í Kauphöllinni í dag. Á eftir fylgdi gengi bréfa í Marel Food Systems, sem lækkaði um 1,66 prósent, í Eimskipi, sem lækkaði um 0,77 prósent og Össur, sem fór niður um 0,21 prósent.
Century Aluminum lækkar mest í byrjun dags
Gengi hlutabréfa í Century Aluminum, móðurfélagi Norðuráls, hefur fallið um tvö prósent það sem af er dags. Þá hefur gengi bréfa í Straumi lækkað um 0,83 prósent og Össurar um 0,21 prósent.
Kreppa í Bretlandi
Kreppa er nú í Bretlandi, samkvæmt nýjustu gögnum hagstofunnar þar í landi sem benda til að samdráttar hafi gætt í hagkerfinu þar í landi í tvö ársfjórðunga í röð.
Century Aluminum hækkar í byrjun dags
Gengi hlutabréfa í Century Aluminum, móðurfélagi Norðuráls, hefur stokkið upp um ellefu prósent frá því viðskipti hófust í Kauphöllinni og gengi bréfa Færeyjabanka hækkað um rúm 0,4 prósent. Á sama tíma hefur gengi bréfa í Straumi fallið um 2,46 prósent.
Sony tapar í fyrsta sinn í 14 ár
Japanski hátækniframleiðandinn Sony gerir ráð fyrir að skila tapi upp á 150 milljjarða jena, jafnvirði 216 milljarða íslenskar króna, vegna síðasta árs. Gangi það eftir verður þetta í fyrsta sinn í fjórtán ár sem mínus færist í bækur fyrirtækisins.
Landsbankinn hjálpar deCode
Nýi Landsbankinn (NBI) hefur keypt skuldabréf deCode fyrir 1,4 milljarða króna. Kári Stefánsson segir um skammtímalausn að ræða. Leitað var til allra stóru bankanna.
Úrvalsvísitalan rambar við 300 stigin
Gengi hlutabréfa í Century Aluminum, móðurfélagi Norðuráls, féll um 9,85 prósent í Kauphöllinni í dag. Þetta er mesta lækkunin á annars rauðum degi.
Straumur niður um sjö prósent í byrjun dags
Gengi hlutabréfa í Straumi féll um sjö prósent í byrjun dags í Kauphöllinni. Á eftir fylgdi Century Aluminum, sem fór niður um 5,91 prósent. Þá hefur gengi bréfa í Bakkavör farið niður um 2,53 prósent, Marel Food Systems um 1,18 prósent og Össurar um 0,41 prósent.
Century Aluminum féll mest í Kauphöllinni
Gengi hlutabréfa í Century Aluminum, móðurfélagi Norðuráls, féll um 4,55 prósent í Kauphöllinni í dag. Á eftir fylgdi gengi bréfa í Færeyjabanka, sem lækkaði um 1,77 prósent og Marel Food Systems, sem lækkaði um 1,28 prósent.
Straumur hækkar mest á rólegum degi
Gengi hlutabréfa í Straumi hefur hækkað um 2,24 prósent í dag og í Bakkavör um 0,52 prósent. Á sama tíma hefur gengi bréfa Marel Food Systems lækkað um 1,56 prósent.
Bankarisi í algjörum mínus
Bank of America, langstærsti banki Bandaríkjanna, tæpaði 1,8 milljörðum Bandaríkjadala, jafnvirði 230 milljarða króna, á fjórða og síðasta ársfjórðungi nýliðins árs. Þetta er fyrsta tap bankans í um átján ár.
Century Aluminum hækkar mest í Kauphöllinni
Gengi hlutabréf í Century Aluminum hefur hækkað um 10,1 prósent í Kauphöllinni í dag. Þetta er í takti við daginn.
Straumur synti einn á móti lækkun í Kauphöll
Gengi hlutabréfa í Straumi hækkaði um 4,07 prósent í dag og er það eina hækkunin í Kauphöllinni. Á móti féll gengi bréfa í Century Aluminum, móðurfélagi Norðuráls, um 6,64 prósent, Eimskips um 6,45 prósent og Marel Food Systems um 4,67 prósent.
Evrópski seðlabankinn lækkar stýrivexti
Evrópski seðlabankinn lækkaði stýrivexti um 50 punkta fyrir stundu og standa þeir nú í sléttum 2,0 prósentum. Þetta er í samræmi við væntingar. Stýrivextir á evrusvæðinu hafa ekki verið lægri síðan í jólamánuðinum 2005.
Marel Food Systems lækkar mest í byrjun dags
Gengi hlutabréfa í Marel Food Systems hefur fallið um 2,27 prósent í dag. Á eftir fylgir gengi bréfa í Bakkavör, sem hefur lækkað um 1,16 prósent, og í Century Aluminum, sem hefur lækkað um 0,95 prósent.
