Veðurstofan segir að gasmengunar frá gosinu í Holuhrauni geti orðið vart um allt norðanvert landið, eða allt frá Austfjörðum vestur á firði og inn á Breiðafjörðinn. Hornfirðingar verða hinsvegar í heilnæmu andrúmslofti eftir óvenju mikla gasmengun þar í gær.
Skjálftavirkni heldur áfram á umbrotasvæðinu en ekki er að sjá á síðu Veðurstofunnar að nokkur skjálfti hafi náð fimm stigum í nótt.
