Viðskiptabankarnir þrír högnuðust um 30 milljarða á þjónustugjöldum á síðasta ári. Því nam hagnaður vegna þjónustugjalda tæplega 40 prósent af 80 milljarða hagnaði bankanna á síðasta ári. Þá er þó ekki tekið tillit til skattgreiðslna af þjónustutekjum og launagreiðslna.
Þjónustutekjur bankanna námu samanlagt 44 milljörðum króna en greiddu 14 milljarða í þjónustutekjur. Hagnaður bankanna vegna þjónustugjalda jókst um 3,7 milljarða króna milli ára.
Arion banki hagnaðist mest allra af þóknunum og þjónustugjöldum eða um 13,3 milljarða. Þar munaði mest um hagnað af þjónustugjöldum vegna greiðslukorta sem nam 5 milljörðum.
Hagnaður Íslandsbanka af þjónustugjöldum nam 11,5 miljörðum en Landsbankinn rak lestina með 5,8 milljarða hagnað af þjónustugjöldum.
Undir þjónustutekjur falla m.a. gjöld vegna greiðslukorta, innheimtu- og greiðsluþjónustu, lána, eignarstýringu, fjárfestingabankastarfsemi.
FH
Fram
