Íslandsmeistararnir kylfingar ársins 2016

Ingvi Þór Sæmundsson skrifar 16. desember 2016 15:00

Ólafía Þórunn og Birgir Leifur, Íslandsmeistarar og kylfingar ársins 2016. mynd/gsí

Ólafía Þórunn Kristinsdóttir, GR, og Birgir Leifur Hafþórsson, GKG, voru valin kylfingar ársins af Golfsambandi Íslands, GSÍ.

Ólafía Þórunn og Birgir Leifur urðu Íslandsmeistarar í ár og létu auk þess að sér kveða utan landssteinanna.

Ólafía Þórunn náði t.a.m. þeim frábæra árangri að komast inn á LPGA-mótaröðina, sterkustu atvinnumótaröðina í golfi. Hún lenti í 2. sæti á lokaúrtökumótinu fyrir LPGA-mótaröðina í byrjun þessa mánaðar.

Ólafía Þórunn lék einnig á LET-mótaröðinni, Evrópumótaröð kvenna, á árinu. Hún endaði í 96. sæti á stigalistanum í lok tímabilsins. Besti árangur hennar var 16. sæti í Tékklandi.

Ólafía Þórunn varð Íslandsmeistari í þriðja sinn á Jaðarsvelli á Akureyri í júlí. Þar skrifaði hún nýjan kafla í golfsöguna með því að vera á besta samanlagða skorinu af öllum keppendum Íslandsmótsins. Ólafía lék á -11 samtals og Valdís Þóra Jónsdóttir var á -10 samtals.

Birgir Leifur varð Íslandsmeistari í sjöunda sinn á árinu. Hann bætti þar með met sem hann deildi með Björgvini Þorsteinssyni og Úlfari Jónssyni.

Birgir Leifur lék einnig á Áskorendamótaröðinni í Evrópu í ár. Skagamaðurinn lék á níu mótum í ár. Hann endaði í 96. sæti á stigalistanum á Áskorendamótaröðinni. Besti árangur hans á þessu tímabili var 6. sæti.

Fréttir ársins 2016 Golf

Tengdar fréttir

LPGA-tímabilið hjá Ólafíu hefst á Bahamaeyjum

Ólafía Þórunn Kristinsdóttir, kylfingur úr GR, tryggði sér þátttökurétt á LPGA-mótaröðinni í golfi, sterkustu atvinnumannamótaröð kvenna í dag fyrst allra íslenskra kvenna.

4. desember 2016 20:00

Ólafía Þórunn kom út í mínus

Þó svo Ólafía Þórunn Kristinsdóttir hafi endað í öðru sæti á lokaúrtökumótinu fyrir LPGA-mótaröðina í gær, og fengið hálfa milljón króna í verðlaunafé, kemur hún út í mínus eftir þátttöku sína.

5. desember 2016 11:14

Íslendingar fagna: Ólafía Þórunn flækir valið á Íþróttamanni ársins

Ólafía Þórunn Kristinsdóttir hefur farið á kostum undanfarna fimm daga og brætt hjörtu Íslendinga sem eru að farast úr stolti.

4. desember 2016 19:54

Sögulegt afrek: Ólafía Þórunn fór á kostum og tryggði sæti sitt í LPGA-mótaröðinni

Kylfingurinn Ólafía Þórunn Kristinsdóttir úr GR varð í dag fyrsti íslenski kylfingurinn sem kemst inn á sterkustu atvinnumannamótaröð heima í golfi er hún hafnaði í 2. sæti á lokastigi úrtökumótsins í Flórída.

4. desember 2016 20:00

Ólafía Þórunn: Er ennþá að ná áttum en tilfinningin er ótrúleg

Ólafía Þórunn Kristinsdóttir var að vonum í skýjunum eftir að hafa tryggt sér þátttökurétt á LPGA-mótaröðinni fyrst allra íslenskra kylfinga í Flórída í dag.

4. desember 2016 21:45

Karen: Mikill munur á Evrópumótaröðinni og LPGA

"Þetta er rosalegur árangur og ég er ekki hissa á því að hún skildi fara alla leið,“ segir Karen Sævarsdóttir golfsérfræðingur um Ólafíu Þórunni Kristinsdóttur sem endurskrifaði íslenska golfsögu í gær.

5. desember 2016 13:45

Nærmynd af Ólafíu: Pabbi grét þegar afrekið var í höfn

Ólafía Þórunn Kristinsdóttir, sem vann sér inn þátttökurétt á bandarísku atvinnumannamótaröðinni í golfi nú um helgina er sögð vera sveimhugi utan golfvallarins, afburða námsmaður og lúmskur húmoristi

6. desember 2016 19:30

Ólafía auglýsti Arctic Open í viðtölum við erlenda fjölmiðla

Ólafía Þórunn Kristinsdóttir var ekki aðeins í viðtölum við íslenska fjölmiðla eftir frábæra frammistöðu hennar á lokaúrtökumótinu fyrir LGPA-mótaröðina.

5. desember 2016 20:00

Tilfinningarík ræða Ólafíu hafði mikil áhrif á hennar nánustu vini og fjölskyldu

GR bauð til veislu í Grafarholti í kvöld til heiðurs Ólafíu Þórunni Kristinsdóttur sem tryggði sér með eftirminnilegum hætti keppnisrétt á sterkustu atvinnumótaröð í heimi um síðustu helgi. Golfsamband segir frá kvöldinu á heimasíði sinni.

7. desember 2016 23:07

Ólafía hættir á Evrópumótaröðinni: Á leið í aðgerð

Mun líklega hætta við að reyna að komast í gegnum úrtökumótið fyrir Evrópumótaröðina í golfi.

6. desember 2016 13:00

Forseti GSÍ um kostnaðinn hjá Ólafíu: „Hún þarf á meiri stuðningi að halda“

Það verður dýrt fyrir Ólafíu Þórunni Kristinsdóttur að keppa á bandarísku atvinnumótaröðinni á næsta ári.

7. desember 2016 13:00

Maður þarf að vera ótrúlega sterkur

Ólafía Þórunn Kristinsdóttir braut blað í íslenskri íþróttasögu þegar hún tryggði sér sæti á LPGA-mótaröðinni í golfi í gær. Ólafía Þórunn lenti í 2. sæti á lokaúrtökumótinu fyrir mótaröðina og var hársbreidd frá sigri. Hún leggur mikið upp úr andlegum undirbúningi.

5. desember 2016 06:00