Mike Pompeo utanríkisráðherra Bandaríkjanna mun síðar í dag hitta konung Sádí Arabíu, vegna Khashoggi málsins svokallaða, en Tyrkir segja að Sádar hafi drepið blaðamanninn Jamal Khashoggi á ræðismannsskrifstofu Sáda í Istanbul í Tyrklandi.
Bandaríkjamenn hafa blandast í málið en Khashoggi var í útlegð í Bandaríkjunum og skrifaði meðal annars í Washington Post þar sem hann gagnrýndi ráðamenn í Sádí Arabíu harðlega.
Trump forseti ræddi við Salman konung um málið í gær og neitaði konungur alfarið nokkurri vitneskju um málið.
Heimildir miðla í Bandaríkjunum herma hinsvegar að Sádar muni mögulega, á fundi með Pompeo, viðurkenna að Khashoggi hafi látið lífið í yfirheyrslu, en að drápið hafi verið slys. Til hafi staðið að hneppa hann í varðhald og flytja til Sádí Arabíu.
Pompeo fundar með Sádum vegna Khashoggi
Tengdar fréttir
Tyrkir segja upptökur sanna að sádiarabíski blaðamaðurinn hafi verið myrtur
Hljóðupptakan er sögð sýna fram á að hópur sádiarabískra útsendara hafi pyntað og myrt blaðamanninn Jamal Khashoggi.
Sádar hafna hótunum vegna hvarfs blaðamannsins
Bandaríkjaforseti hafði talað um strangar refsingar ef í ljós kemur að Sádar beri ábyrgð á hvarfi sádiarabísks blaða- og andófsmanns.
