Ástralski kardínálinn George Pell hefur verið fundinn sekur um kynferðisbrot gegn ungum drengjum en Pell er sá hæst setti innan kaþólsku kirkjunnar á heimsvísu sem fengið hefur slíkan dóm.
Pell er sagður hafa misnotað tvo kórdrengi í Dómkirkjunni í Melbourne árið 1996 en kardínálinn hefur neitað sök.
Kviðdómur komst þó að þeirri niðurstöðu að hann væri sekur og á morgun hefjast réttarhöld þar sem refsing hans verður ákveðin. Raunar var Pell sakfelldur í desember síðastliðnum, en vegna lagaákvæða var ekki hægt að greina frá dóminum fyrr en nú.
Hinn 77 ára Pell var ekki aðeins kardínáli í Ástralíu heldur gegndi hann stöðu fjármálaráðherra Páfagarðs, sem er ein mesta valdastaðan innan kaþólsku kirkjunnar.
Rétta þurfti tvívegis yfir honum í fyrra því kviðdómur komst ekki að niðurstöðu í fyrra skiptið.
Kardinálinn Pell fundinn sekur um kynferðisbrot gegn drengjum
Tengdar fréttir
Réttað yfir fjármálastjóra Páfagarðs vegna fjölda kynferðisbrota
Ástralskur dómari hefur úrskurðað að næg sönnunargögn liggi fyrir til að rétta yfir kardinálanum George Pell vegna kynferðisbrota gegn börnum en hann er fjármálastjóri Páfagarðs. Pell, sem hefur verið kallaður þriðji æðsti ráðamaður Vatíkansins, neitaði sök fyrir rétti í morgun.
Einn valdamesti maður kaþólsku kirkjunnar sakfelldur vegna kynferðisbrota
Dómsmálið gegn áströlskum kardinála fer fram með leynd því dómstóllinn lagði lögbann við fréttaflutningi af því.
Réttarhöld hafin yfir einum af nánustu ráðgjöfum páfans
Yrti ekki á fjölmiðlamenn er hann gekk inn í réttarsal í Ástralíu.
