Í dag mættu stelpurnar firnasterku liði Svartfellinga og skildu liðin jöfn, 18-18 eftir hörkuleik.
Lilja Ágústsdóttir var atkvæðamest í liði Íslands með sex mörk og Elín Klara Þorkelsdóttir næst með fjögur.
Líkt og í fyrsta leiknum átti Ethel Gyða Bjarnasen góðan leik í marki Íslands og varði meðal annars vítakast á krítisku augnabliki undir lok leiks að því er fram kemur í textalýsingu á handbolti.is.
Íslenska liðið mætir Alsír á þriðjudag.
