Þórunn Högna, stílisti og listrænn stjórnandi Icewear elskar að undirbúa og halda veislur og því lá það beint við að fá hana til að gefa ráðleggingar og hugmyndir þegar kemur að fermingarveislunum sem framundan eru.

Notaðu gjafapappír sem löber á veisluborðið eins og Þórunn gerir gjarnan. Kerti og löber eru úr Söstrene Grene í Smáralind.

Þórunn er dugleg við að endurnýta gamlar krukkur sem hafa áður geymt pestó eða pastasósur og tekur fram þegar halda á veislu enda með fjölbreytt notagildi á veisluborðinu.

Lestu greinina alla á HÉRER.is.

Innblástur fyrir mömmu

Fermingardagurinn er óumdeilanlega stór dagur í lífi barnsins en ekki síður foreldranna. Stílisti HÉRER.IS fór á stúfana í leit að innblæstri fyrir fermingardress á mömmuna sem fær hana til að skína sínu skærasta.

Lestu greinina alla á HÉRER.is.

Fermingarförðunin - góð ráð

Rakel Ósk Guðbjartsdóttir snyrtifræðingur og eigandi snyrtivöruverslunarinnar Elira í Smáralind gefur okkur góð ráð um förðun og húðumhirðu fyrir fermingardaginn.

Hvaða ráð gefur þú svo húðin sé sem best á deginum?

„Til að hafa húðina upp á sitt besta yfir daginn er best að hreinsa hana vel um morguninn og bera á hana gott krem svo hún sé ljómandi og rakamikil yfir daginn. Þetta á við um alla ekki bara fermingarstelpurnar.”

Ráð fyrir húðrútínu fermingarbarna?

„Það er mjög gott á þessum aldri að huga vel að því að hreinsa húðina og vera með gott krem sem gefur húðinni raka og verndar hana. Húðin breytist mikið á þessum árum og er mismunandi á milli einstaklinga, sumir þurfa mikinn raka á meðan aðrir þurfa eitthvað gott krem til að koma jafnvægi á olíuframleiðslu. Því er gott að leita aðstoðar fagaðila til að meta hvað hentar best hverju sinni.“

Hvaða snyrtivörum mælir þú með að unga fólkið byrji á að kaupa þegar þau eru að taka sín fyrstu skref í förðun?

„Þegar velja á fyrstu snyrtivörurnar er gott að hafa í huga að þær passi manni og eigin smekk. Einnig er gott að velja förðunarvörur sem eru með sem minnstu aukaefnunum og eru góðar fyrir mann sjálfan og umhverfið. Góður maskari, létt gloss og jafnvel fallegur kinnalitur kemur manni langt. Einnig er mjög vinsælt að eiga fallegan kremaugnskugga í björtum lit sem er hægt að setja fyrir neðan augabrúnirnar og inn í augnkrókana.”

Hvernig förðun leggur þú til fyrir þau fermingarbörn sem vilja farða sig?

„Það er mikilvægt að ef það á að nota farða á stóra daginn að hafa hann léttan og passa að liturinn sé réttur. Falleg förðun þarf ekki að vera mikil, gott er að byrja lítið og bæta bara á ef þörf er á. Svo fer þetta allt eftir einstaklingnum, hvort að það sé settur smá maskari og gloss eða ljós augnskuggi, blýantur og kinnalitur. Einnig getur fermingarbarnið komið til okkar í förðun fyrir daginn og/eða fyrir myndatökuna.“

Lestu greinina alla á HÉRER.is.

Við mælum með því að kíkja í heimsókn á HÉRER.IS þar sem nýtt og spennandi efni kemur inn reglulega.