Birgir Steinn skrifaði undir þriggja ára samning við Aftureldingu sem varð bikarmeistari í vetur og komst í undanúrslit um Íslandsmeistaratitilinn þar sem liðið tapaði fyrir Haukum, 3-2.
Hinn 23 ára Birgir Steinn er uppalinn hjá Stjörnunni en hefur leikið með Gróttu undanfarin þrjú tímabil.
Í vetur skoraði Birgir Steinn 113 mörk í tuttugu leikjum í Olís-deildinni. Auk þess gaf hann 84 stoðsendingar. Birgir Steinn er sömuleiðis öflugur varnarmaður.
