Anton Sveinn synti á 2:02,74 í úrslitunum en það er hans langbesti tími í ár. Var einungis 0,33 sekúndum frá sigurvegaranum Caspar Corbeau frá Hollandi. Um tíma var Anton Sveinn fremstur meðal jafningja en að lokum kom hann annar í mark, frábær árangur hjá þessum magnaða sundkappa.
Anton Sveinn er fyrsti íslenski sundmaðurinn til að komast á verðlaunapall á EM í 25 metra laug síðan Örn Arnarson nældi í brons árið 2006.
Fréttin hefur verið uppfærð.
