Man. City mætir Real og Arsenal mætir Bayern

Þetta var síðasti drátturinn í Meistaradeild Evrópu í ár og nú er orðið ljóst hvaða leið liðin þurfa að fara til að komast í úrslitaleikinn á Wembley 1. júní. 

Engar reglur giltu í drættinum í dag sem komið gátu í veg fyrir að lið frá sama landi mættust.

Eins og fyrr segir er orðið ljóst hvaða lið gætu mæst í undanúrslitum og því er ljóst að í úrslitaleiknum spilar eitt þessara liða: Atlético Madrid, Dortmund, PSG, Barcelona, og eitt þessara liða: Arsenal, Bayern, Real Madrid, Manchester City.

Leikirnir í átta liða úrslitum fara fram 9./10. apríl og 16./17. apríl. Undanúrslitin fara fram 30.apríl/1. maí og 7./8. maí. Úrslitaleikurinn er svo eins og fyrr segir 1. júní.

Bein útsending frá drættinum var hér á Vísi.