Ósáttir karlar flautuðu á Fríðu Kolbeinn Tumi Daðason skrifar 29. apríl 2024 10:07 Frá Reykjavíkurmaraþoninu árið 1984. Reykjavíkurmaraþon Íslandsbanka fagnar 40 ára afmæli í ár og í tilefni þess verður öllu til tjaldað til að gera hlaupið sem glæsilegast. Þá verður því einnig fagnað að 40 ár eru liðin frá því að Fríða Bjarnadóttir hljóp fyrst íslenskra kvenna maraþon á Íslandi. Ári fyrr hafði henni verið meinuð þátttaka, því hún var kona. „Reykjavíkurmaraþonið hefur frá upphafi verið stærsta og fjölmennasta hlaupið á Íslandi enda geta öll tekið þátt. Í ár fögnum við ekki bara 40 ára afmæli hlaupsins heldur einnig þeim stóru og smáu skrefum sem stigin hafa verið í átt að bættu samfélagi,” segir Hrefna Hlín Sveinbjörnsdóttir, hjá ÍBR og viðburðastjóri Reykjavíkurmaraþons Íslandsbanka. „Vonandi náum við líka að bæta áheitametið sem var sett í fyrra þegar 199 milljónir króna söfnuðust - sem allar runnu til góðra málefna.” Gríðarleg ásókn hefur verið í hlaupið en í fyrra voru 11.307 hlauparar á öllum aldri skráðir til þátttöku - 5.766 konur, 5.483 karlmenn og 12 kvár. Hugmyndin að laða að fleiri ferðamenn „Ferðaskrifstofan Úrval hefur ákveðið að fara nýjar leiðir í ferðaþjónustu á næsta ári. Ákveðið hefur verið að halda keppni í maraþonhlaupi í Reykjavík í ágúst,” sagði Knútur Óskarsson, sem þá starfaði hjá Ferðaskrifstofunni Úrvali, í viðtali við Morgunblaðið í september árið 1983. Knútur og Steinn Lárusson hjá Flugleiðum áttu hugmyndina að Reykjavíkurmaraþoninu en markmiðið með því var að laða fleiri ferðamenn til Íslands. „Ég tel atburði sem þessa mjög mikilvægan þátt í landkynningu og lengingu ferðamannatímabilsins og efast ekki um, að þeir skila sér inn í auknum ferðamannastraumi hingað til lands,” sagði Knútur jafnframt í viðtalinu. Það er óhætt að segja að hann hafi reynst sannspár. Í fyrsta Reykjavíkurmaraþoninu voru 214 skráðir til þátttöku, 135 Íslendingar og 79 frá öðrum löndum. Síðan þá hefur þátttakendum fjölgað svo um munar og hafa alls 40 þúsund erlendir keppendur tekið þátt. Í fyrra voru erlendu keppendurnir alls frá 84 löndum. Meinað að hlaupa maraþon Fríða Bjarnadóttir hjúkrunarfræðingur var á meðal þátttakenda í fyrsta Reykjavíkurmaraþoninu. Árið 1983 ætlaði hún að taka þátt í maraþonhlaupi sem haldið var á Stór-Reykjavíkursvæðinu en var meinuð þátttaka. Hún var vanur hlaupari og hafði meðal annars hlaupið maraþon í Boston. „Konur áttu bara ekki að vera í svona langhlaupum,” segir Fríða sem varð fyrir aðkasti frá körlum sem var meinilla við að sjá hana á hlaupum. „Þeir flautuðu á mig í bílunum sínum og steyttu hnefann í áttina að mér.” Fríða fékk hins vegar að hlaupa í fyrsta Reykjavíkurmaraþoninu árið 1984 og varð þar með fyrsta íslenska konan til að hlaupa maraþon á Íslandi. Ingunn Benediktsdóttir var þó fyrst íslenskra kvenna til að hlaupa heilt maraþon, í Bandaríkjunum, og Anna Halla Kristjánsdóttir varð önnur. Anna Halla setti Íslandsmet í maraþonhlaupi kvenna árið 1980 sem stóð í 15 ár. Árið 2011 voru í fyrsta skipti fleiri konur skráðar en karlar í hlaupið og hefur það haldist þannig síðan. Fjórar vegalengdir í boði Reykjavíkurmaraþon Íslandsbanka fer í ár fram laugardaginn 24. ágúst, á Menningarnótt. Fjórar vegalengdir verða í boði og því ættu allir aldurshópar og öll getustig að geta fundið eitthvað við sitt hæfi: Maraþon (42,2 km) Hálfmaraþon (21,1 km) 10 km hlaup 3 km skemmtiskokk Skráning í hlaupið fer fram á www.rmi.is og að vanda gefst hlaupurum í Reykjavíkurmaraþoni Íslandsbanka kostur á að hlaupa til styrktar góðs málefnis. Áheitasöfnunin fer fram á hlaupastyrkur.is og er hægt að velja á milli fjölmargra góðgerðafélaga. Reykjavíkurmaraþon Jafnréttismál Einu sinni var... Mest lesið Stjörnufans á afmælistónleikum Gunnars Þórðarsonar Lífið Asninn að baki Asna allur Lífið Sleppti gallabuxunum þegar hann giftist sinni drottningu Lífið Draumurinn langþráði kostaði hana hjónabandið Lífið „Hún leggst ofan á mig og tekur mig kyrkingartaki“ Lífið Kynntist eiginkonunni á swingklúbbi Lífið Kaupmálar, framhjáhöld, félagskvíði og engin að tala saman Áskorun „Þurfti að berjast við tárin“ þegar Vigdís mætti í settið Lífið „Bara það að fá að taka þátt er ómetanlegt“ Lífið Heimili Walter White til sölu eftir áralangan ágang aðdáenda Lífið Fleiri fréttir Asninn að baki Asna allur Stjörnufans á afmælistónleikum Gunnars Þórðarsonar Sleppti gallabuxunum þegar hann giftist sinni drottningu Brenton Wood er látinn „Bara það að fá að taka þátt er ómetanlegt“ Draumurinn langþráði kostaði hana hjónabandið Krakkatían: Þrettándinn, stjörnukerfið og barnaefni Bráðum verður hún frú Beast Heimili Walter White til sölu eftir áralangan ágang aðdáenda Jeff Baena eiginmaður Aubrey Plaza látinn „Þurfti að berjast við tárin“ þegar Vigdís mætti í settið Fréttatían: Áramótin, Kryddsíld og útlönd Kynntist eiginkonunni á swingklúbbi Léttir að heyra öskrið í dóttur sinni Ekkert einvígi í Söngvakeppninni 2025 Mætti á undan Katrínu Tönju til landsins og kom henni á óvart Bak við tjöldin í Kryddsíldinni 2024 Kúkakallinn í Kópavogi rataði aftur í Kviss ársins Aron Kristinn og Lára eiga von á barni Anný Rós og Guðlaugur sjóðheitt par Snúin aftur á Instagram og kynnir nýjan þátt á Netflix Bjarni sveiflaði servíettunni af gleði Margir rugli saman áramótaheitum og markmiðum „Það eru fleiri með köggla en þú“ Lúxusíbúð Kára og Erlu til Bandaríkjamanna Fár fyrsta íslenska stuttmyndin á Disney+ Illa vegið að íslenskum bjór Arnarsson mætti rétt fyrir árslok „Ég þekki mann sem að móðgast yfir dagskránni á RÚV“ John Capodice er látinn Sjá meira
„Reykjavíkurmaraþonið hefur frá upphafi verið stærsta og fjölmennasta hlaupið á Íslandi enda geta öll tekið þátt. Í ár fögnum við ekki bara 40 ára afmæli hlaupsins heldur einnig þeim stóru og smáu skrefum sem stigin hafa verið í átt að bættu samfélagi,” segir Hrefna Hlín Sveinbjörnsdóttir, hjá ÍBR og viðburðastjóri Reykjavíkurmaraþons Íslandsbanka. „Vonandi náum við líka að bæta áheitametið sem var sett í fyrra þegar 199 milljónir króna söfnuðust - sem allar runnu til góðra málefna.” Gríðarleg ásókn hefur verið í hlaupið en í fyrra voru 11.307 hlauparar á öllum aldri skráðir til þátttöku - 5.766 konur, 5.483 karlmenn og 12 kvár. Hugmyndin að laða að fleiri ferðamenn „Ferðaskrifstofan Úrval hefur ákveðið að fara nýjar leiðir í ferðaþjónustu á næsta ári. Ákveðið hefur verið að halda keppni í maraþonhlaupi í Reykjavík í ágúst,” sagði Knútur Óskarsson, sem þá starfaði hjá Ferðaskrifstofunni Úrvali, í viðtali við Morgunblaðið í september árið 1983. Knútur og Steinn Lárusson hjá Flugleiðum áttu hugmyndina að Reykjavíkurmaraþoninu en markmiðið með því var að laða fleiri ferðamenn til Íslands. „Ég tel atburði sem þessa mjög mikilvægan þátt í landkynningu og lengingu ferðamannatímabilsins og efast ekki um, að þeir skila sér inn í auknum ferðamannastraumi hingað til lands,” sagði Knútur jafnframt í viðtalinu. Það er óhætt að segja að hann hafi reynst sannspár. Í fyrsta Reykjavíkurmaraþoninu voru 214 skráðir til þátttöku, 135 Íslendingar og 79 frá öðrum löndum. Síðan þá hefur þátttakendum fjölgað svo um munar og hafa alls 40 þúsund erlendir keppendur tekið þátt. Í fyrra voru erlendu keppendurnir alls frá 84 löndum. Meinað að hlaupa maraþon Fríða Bjarnadóttir hjúkrunarfræðingur var á meðal þátttakenda í fyrsta Reykjavíkurmaraþoninu. Árið 1983 ætlaði hún að taka þátt í maraþonhlaupi sem haldið var á Stór-Reykjavíkursvæðinu en var meinuð þátttaka. Hún var vanur hlaupari og hafði meðal annars hlaupið maraþon í Boston. „Konur áttu bara ekki að vera í svona langhlaupum,” segir Fríða sem varð fyrir aðkasti frá körlum sem var meinilla við að sjá hana á hlaupum. „Þeir flautuðu á mig í bílunum sínum og steyttu hnefann í áttina að mér.” Fríða fékk hins vegar að hlaupa í fyrsta Reykjavíkurmaraþoninu árið 1984 og varð þar með fyrsta íslenska konan til að hlaupa maraþon á Íslandi. Ingunn Benediktsdóttir var þó fyrst íslenskra kvenna til að hlaupa heilt maraþon, í Bandaríkjunum, og Anna Halla Kristjánsdóttir varð önnur. Anna Halla setti Íslandsmet í maraþonhlaupi kvenna árið 1980 sem stóð í 15 ár. Árið 2011 voru í fyrsta skipti fleiri konur skráðar en karlar í hlaupið og hefur það haldist þannig síðan. Fjórar vegalengdir í boði Reykjavíkurmaraþon Íslandsbanka fer í ár fram laugardaginn 24. ágúst, á Menningarnótt. Fjórar vegalengdir verða í boði og því ættu allir aldurshópar og öll getustig að geta fundið eitthvað við sitt hæfi: Maraþon (42,2 km) Hálfmaraþon (21,1 km) 10 km hlaup 3 km skemmtiskokk Skráning í hlaupið fer fram á www.rmi.is og að vanda gefst hlaupurum í Reykjavíkurmaraþoni Íslandsbanka kostur á að hlaupa til styrktar góðs málefnis. Áheitasöfnunin fer fram á hlaupastyrkur.is og er hægt að velja á milli fjölmargra góðgerðafélaga.
Reykjavíkurmaraþon Jafnréttismál Einu sinni var... Mest lesið Stjörnufans á afmælistónleikum Gunnars Þórðarsonar Lífið Asninn að baki Asna allur Lífið Sleppti gallabuxunum þegar hann giftist sinni drottningu Lífið Draumurinn langþráði kostaði hana hjónabandið Lífið „Hún leggst ofan á mig og tekur mig kyrkingartaki“ Lífið Kynntist eiginkonunni á swingklúbbi Lífið Kaupmálar, framhjáhöld, félagskvíði og engin að tala saman Áskorun „Þurfti að berjast við tárin“ þegar Vigdís mætti í settið Lífið „Bara það að fá að taka þátt er ómetanlegt“ Lífið Heimili Walter White til sölu eftir áralangan ágang aðdáenda Lífið Fleiri fréttir Asninn að baki Asna allur Stjörnufans á afmælistónleikum Gunnars Þórðarsonar Sleppti gallabuxunum þegar hann giftist sinni drottningu Brenton Wood er látinn „Bara það að fá að taka þátt er ómetanlegt“ Draumurinn langþráði kostaði hana hjónabandið Krakkatían: Þrettándinn, stjörnukerfið og barnaefni Bráðum verður hún frú Beast Heimili Walter White til sölu eftir áralangan ágang aðdáenda Jeff Baena eiginmaður Aubrey Plaza látinn „Þurfti að berjast við tárin“ þegar Vigdís mætti í settið Fréttatían: Áramótin, Kryddsíld og útlönd Kynntist eiginkonunni á swingklúbbi Léttir að heyra öskrið í dóttur sinni Ekkert einvígi í Söngvakeppninni 2025 Mætti á undan Katrínu Tönju til landsins og kom henni á óvart Bak við tjöldin í Kryddsíldinni 2024 Kúkakallinn í Kópavogi rataði aftur í Kviss ársins Aron Kristinn og Lára eiga von á barni Anný Rós og Guðlaugur sjóðheitt par Snúin aftur á Instagram og kynnir nýjan þátt á Netflix Bjarni sveiflaði servíettunni af gleði Margir rugli saman áramótaheitum og markmiðum „Það eru fleiri með köggla en þú“ Lúxusíbúð Kára og Erlu til Bandaríkjamanna Fár fyrsta íslenska stuttmyndin á Disney+ Illa vegið að íslenskum bjór Arnarsson mætti rétt fyrir árslok „Ég þekki mann sem að móðgast yfir dagskránni á RÚV“ John Capodice er látinn Sjá meira