ÍBV tryggði sér oddaleik gegn FH í undanúrslitum Olís-deildar karla í gær á ótrúlegan hátt.
Leikurinn var tvíframlengdur en það dugði ekki til að fá fram úrslit í leiknum. Því þurfti að fá fram úrslit í vítakastkeppni.
Þar reyndust taugar Eyjamanna sterkari og allt ætlaði um koll að keyra í íþróttamiðstöðinni í Vestmannaeyjum.
Liðin mætast í oddaleik í Kaplakrika klukkan 19.40 á sunnudag. Sigurvegarinn mun mæta Val eða Aftureldingu í úrslitum.
Hér að neðan má sjá vítakastskeppnina frá Handboltapassanum og það er Benedikt Grétarsson sem lýsir.
„Vil bara segja að ég er ofboðslega stoltur af liðinu mínu, hvernig það lagði sig allt í verkefnið í dag,“ sagði Sigursteinn Arndal, þjálfari FH, eftir að liðið tapaði fyrir ÍBV í vítakeppni eftir tvíframlengdan leik í undanúrslitum Olís-deildar karla í handbolta.
„Já ég myndi nú segja það,“ sagði Eyjamaðurinn Kári Kristján Kristjánsson einfaldlega aðspurður hvort sigur ÍBV á FH í Vestmannaeyjum í undanúrslitum Olís-deildar karla í handbolta væri einn ótrúlegasti leikur á hans ferli.
FH og ÍBV þurfa að mætast í oddaleik í undanrslitum Olís-deildar karla í handbolta en það varð ljóst eftir að Eyjamenn knúðu fram sigur í fjórða leik liðanna í einvíginu í Íþróttamiðstöðinni í Vestmannaeyjum í dag.
