Þau allra nettustu á Met Gala

Hátíska, menning og upplifun rennur saman í eitt þar sem einhverjar dýrustu flíkur sögunnar njóta sín á kroppum stjarnanna. Viðburðurinn virkar sem svo að stærstu tískuhönnuðir heimsins bjóða stjörnunum að klæðast flíkum eftir sig og á ári hverju er gefið út ákveðið þema.

Þemað í ár snýr að því að fagna og heiðra stefnur og strauma svartra klæðskera og hönnuða síðastliðin 300 ár og ber yfirskriftina Superfine: Tailoring Black Style. Sömuleiðis er einblýnt á að flíkurnar séu sniðnar að stjörnunum sem klæðast þeim og endurspegla karakter þeirra að sama skapi. Svokallaður svartur dandyismi verður þar í forgrunni og glæsileikinn lét svo sannarlega á sér bera.

Ótal margir skinu sitt allra skærasta í gærkvöldi og var augljóst að fólki leið gríðarlega vel í klæðunum. Rihanna var ákveðinn senuþjófur kvöldsins þar sem hún mætti í geggjuðum Marc Jacobs klæðum og afhjúpaði óléttukúlu. 

Í kjölfar galakvöldsins opnar sýning á þessu heimsfræga safni sem stendur fram til lok október. Met Gala er líklega eitt umtalaðasta kvöld ársins og ekki að ástæðulausu. 

Hattar, sturluðustu dragtir sögunnar, skemmtilegir fylgihlutir og töffaraskalinn sprengdur. Hér má sjá þau sem báru af á dreglinum á Met Gala 2025: